મુંબઈ: બોલિવૂડ સ્ટાર્સ રણબીર કપૂર અને આલિયા ભટ્ટ ફિલ્મ જગતના સૌથી પ્રિય કપલ્સમાંથી એક છે. રણબીર અને આલિયા ભટ્ટના લગ્ન વર્ષ 2022 માં થયા હતા. લગ્ન પછી બંનેએ સુપરહિટ બોલિવૂડ ફિલ્મ ‘બ્રહ્માસ્ત્ર: પાર્ટ વન શિવ’ પણ આપી. આ ફિલ્મમાં રણબીર અને આલિયાએ ઓનસ્ક્રીન રોમાન્સ કર્યો હતો. હવે રણબીર કપૂરે તાજેતરમાં એક ચોંકાવનારો ખુલાસો કર્યો છે. જેમાં રણબીરે જણાવ્યું હતું કે આલિયા ભટ્ટ તેની બીજી પત્ની છે. આલિયા પહેલા પણ તેના લગ્ન થઈ ચૂક્યા છે. જોકે, રણબીરે એમ પણ કહ્યું કે તે હજુ સુધી તેની પહેલી પત્નીને મળ્યો નથી પરંતુ તેને જલ્દી મળવા માંગે છે.
તાજેતરમાં, મેશેબલ ઈન્ડિયાને આપેલા એક ઈન્ટરવ્યુમાં રણબીરે પોતે આ વાતનો ખુલાસો કર્યો અને કહ્યું કે આલિયા ભટ્ટ તેની બીજી પત્ની છે. રણબીરે કહ્યું, ‘હું તેને ગાંડપણ નહીં કહું, પણ આ ઘણા સમય પહેલા થયું હતું. જ્યારે હું મારી કારકિર્દીના શરૂઆતના તબક્કામાં હતો, ત્યારે એક છોકરી મારા ઘરે આવી. એટલું જ નહીં, છોકરી પોતાની સાથે પૂજારી અને લગ્નનો સામાન પણ લાવી હતી. છોકરીએ મારા ઘરની બહારના ગેટ પર મારી સાથે લગ્ન કર્યા. જોકે હું તે સમયે ઘરે નહોતો. હું બહાર ગયો હતે અને જ્યારે હું પાછો આવ્યો ત્યારે ગાર્ડે મને આખી વાર્તા કહી. મેં એ પણ જોયું કે ઘરના દરવાજા પર તિલક લગાવવામાં આવ્યું હતું અને ફૂલો ચારે બાજુ વિખેરાયેલા હતા. તો આ મુજબ, તે છોકરી મારી પહેલી પત્ની છે. જોકે હું તેમને ક્યારેય મળ્યો નથી પણ જલ્દી મળવા માંગુ છું. આ હિસાબે, આલિયા ભટ્ટ મારી બીજી પત્ની છે.’
લગ્નના 6 મહિના પછી જ દીકરીનો જન્મ થયો
રણબીર અને આલિયા ભટ્ટ ઘણા વર્ષોથી ફિલ્મ ઉદ્યોગમાં સાથે કામ કરી રહ્યા છે અને મિત્રો પણ છે. પરંતુ બ્રહ્માસ્ત્રના શૂટિંગ દરમિયાન રણબીર અને આલિયા વચ્ચેની મિત્રતા ગાઢ બની અને બંને એકબીજાને પ્રેમ કરવા લાગ્યા. બંને થોડા સમય માટે રિલેશનશિપમાં હતા અને બાદમાં 2022 માં લગ્ન કરી લીધા. લગ્નના 6 મહિના પછી જ તેમને એક પુત્રીનો જન્મ થયો. દીકરી રાહા બંને માટે શુભકામનાઓ લઈને આવી અને તેમની ફિલ્મ બ્રહ્માસ્ત્ર પણ બોક્સ ઓફિસ પર સુપરહિટ સાબિત થઈ. હવે રણબીર અને આલિયા બંને ફિલ્મ જગતના સુપરહિટ કપલ છે.
બંને ફરી સ્ક્રીન પર રોમાન્સ કરશે
તમને જણાવી દઈએ કે બ્રહ્માસ્ત્રની સુપરહિટ ફિલ્મ બાદ આલિયા અને રણબીરની જોડી ફરી એકવાર પડદા પર જોવા મળશે. આ બંને સ્ટાર્સ સંજય લીલા ભણસાલીની ફિલ્મ ‘લવ એન્ડ વોર’માં જોવા મળશે. આ બંનેની સાથે, વિક્કી કૌશલ પણ આ ફિલ્મમાં મહત્વપૂર્ણ ભૂમિકામાં જોવા મળશે. રણબીર કપૂર અગાઉ એનિમલમાં જોવા મળ્યો હતો. જ્યારે આલિયા ભટ્ટે જિગરામાં કામ કર્યું હતું. હવે તે બંને પડદા પર સાથે રોમાન્સ કરતા જોવા મળશે.
