અમદાવાદઃ શહેરના સિવિલ હોસ્પિટલ નજીક સ્ટાફની હોસ્ટેલ અને રહેણાક બ્લોક પર એર ઈન્ડિયાનું અમદાવાદથી લંડન જતું વિમાન તૂટી પડ્યું એ જગ્યાએથી તપાસ કરતી ટીમોને કોકપિટની બાજુમાંથી એક મશીન જેવું યંત્ર મળી આવ્યું છે. જે તપાસ કરતી ટીમોને સોંપી દેવામાં આવ્યું છે.
અમદાવાદ મ્યુનિસિપલ કોર્પોરેશનની એન્જિનિયરિંગ વિભાગની ટીમના આસિસ્ટન્ટ કમિશનર શ્રીકુમારના જણાવ્યા અનુસાર ઘણી બધી તપાસ ટીમો વિમાન દુર્ઘટના થયું એ સ્થળે તપાસ કરી રહી છે. મ્યુનિસિપલ કોર્પોરેશનની ટીમને એક યંત્ર મળી આવ્યું છે. જે તપાસ એજન્સીઓને સોંપી દેવામાં આવ્યું છે.
અમદાવાદ મ્યુનિસિપલ કોર્પોરેશનની એન્જિનિયરિંગ વિભાગ સહિતની ટીમો ઘટનાસ્થળે ‘સર્ચ’ કરવામાં સહાય કરી રહ્યું છે. અમદાવાદ મ્યુનિસિપલ કોર્પોરેશનના માણસો ટ્રેક્ટર, જેસીબી સહિત સાધનો સાથે કાટમાળમાં હજુ પણ કંઈ દટાયેલું કે કેમ એની વિવિધ પાસાઓ સાથે તપાસમાં સહાય કરી રહી છે.
(પ્રજ્ઞેશ વ્યાસ)
