નવી દિલ્હી: ભાજપના સાંસદ નિશિકાંત દુબેએ અમેરિકી ગુપ્તચર એજન્સી CIA દ્વારા 2011માં જાહેર કરાયેલા એક દસ્તાવેજને શેર કરીને કોંગ્રેસ પર નિશાન સાધ્યું છે. તેમણે આરોપ લગાવ્યો છે કે કોંગ્રેસના નિવૃત્ત નેતા એચ. કે. એલ. ભગતના નેતૃત્વ હેઠળ 150થી વધુ કોંગ્રેસ સાંસદોને સોવિયત સંઘ (રશિયા) દ્વારા “નાણાકીય સહાય” આપવામાં આવી હતી અને તેઓ રશિયાના “એજન્ટ” તરીકે કામ કરતા હતા.
નિશિકાંત દુબેએ ‘X’ પોસ્ટમાં ‘કોંગ્રેસ, કરપ્શન અને ગુલામી’ શીર્ષક હેઠળ લખ્યું છે કે આ અવર્ગીકૃત ગુપ્ત દસ્તાવેજ 2011માં CIA દ્વારા જાહેર કરવામાં આવ્યો હતો. તે મુજબ એચ. કે. એલ. ભગતના નેતૃત્વ હેઠળ 150થી વધુ કોંગ્રેસ સાંસદોને સોવિયત રશિયા દ્વારા નાણાં આપવામાં આવ્યાં હતાં અને તેઓ એજન્ટ તરીકે કામ કરતા હતા?
ભાજપ સાંસદે આરોપ લગાવ્યો કે પત્રકારોનું એક જૂથ પણ રશિયાનું “એજન્ટ” હતું. તેમણે દાવો કર્યો હતો કે તેમણે જે દસ્તાવેજ શેર કર્યો છે તેમાં રશિયાની તરફથી પ્રસિદ્ધ કરાયેલા 16,000 સમાચાર લેખોની સૂચિ છે. તેમણે વધુમાં આરોપ લગાવ્યો હતો કે કોંગ્રેસના શાસન દરમિયાન રશિયન ગુપ્તચર એજન્સીના 1100 લોકો ભારતમાં હતા, અને તેમણે અધિકારીઓ, વેપારી સંગઠનો, કમ્યુનિસ્ટ પાર્ટીઓ અને જનમત રચનારાઓને તેમનાં “ખિસ્સા”માં રાખ્યા હતા.
कांग्रेस,करप्सन और ग़ुलामी
1. यह अवर्गीकृत गुप्त दस्तावेज CIA का 2011 में जारी हुआ
2. इसके अनुसार स्वर्गीय कांग्रेस के बड़े नेता HKL भगत के नेतृत्व में 150 से ज़्यादा कॉंग्रेस के सांसद सोवियत रुस के पैसे पर पलते थे,रुस के लिए दलाली करते थे?
3. पत्रकारों के समूह उनके दलाल थे तथा… pic.twitter.com/ozKx9nPUCe— Dr Nishikant Dubey (@nishikant_dubey) June 30, 2025
તેમણે વધુમાં એવો પણ આરોપ લગાવ્યો હતો કે કોંગ્રેસનાં ઉમેદવાર સુભદ્રા જોશીએ સોવિયત સંઘના શાસન દરમિયાન ચૂંટણી માટે જર્મન સરકારથી 5 લાખ રૂપિયા લીધા હતા અને હાર્યા પછી ઈન્ડો-જર્મન ફોરમનાં અધ્યક્ષ બની ગયાં હતાં. પોસ્ટના અંતમાં ભાજપ સાંસદે પૂછ્યું, “આ દેશ હતો કે ગુલામો, એજન્ટો અને દલાલોની કઠપૂતળી? કોંગ્રેસે જવાબ આપવો જોઈએ. શું આજે આ મુદ્દે તપાસ થવી જોઈએ કે નહીં?
