બ્રિટનના વડા પ્રધાન રિશી સુનકના પત્ની અને ભારતની ઈન્ફોસીસ કંપનીના સ્થાપક નારાયણ મૂર્તિ અને લેખિકા સુધા મૂર્તિનાં પુત્રી અક્ષતા હાલ એમની બે પુત્રી – ક્રિષ્ના અને અનુષ્કા સાથે ભારતની મુલાકાતે આવ્યાં છે. તેઓ 15 ફેબ્રુઆરી, બુધવારે દક્ષિણ ગોવાના બેનોલીમ બીચ પર પુત્રીઓ અને માતા-પિતા સાથે રજા માણતાં જોવા મળ્યાં હતાં. મૂર્તિ અને એમનાં પરિવારજનો બે દિવસ માટે ગોવા ફરવા આવ્યાં છે અને વોટર સ્પોર્ટ્સ સેવા અને બોટ-રાઈડનો આનંદ માણ્યો હતો.
