ગુજરાત વિધાનસભાની ચૂંટણીના પ્રથમ તબક્કામાં ગઈ 9 ડિસેમ્બરે મતદાન થઈ ગયું. એ માટે ઉપયોગમાં લેવામાં આવેલા અને લોકોનાં મતોનો જેમાં સંગ્રહ કરવામાં આવ્યો છે તે ઈલેક્ટ્રોનિક વોટિંગ મશીન્સ (ઈવીએમ)ને સુરતમાં એક સ્ટ્રોંગ રૂમમાં સુરક્ષિત રાખવામાં આવ્યા છે. રાજ્યમાં બીજા ચરણનું મતદાન 14 ડિસેમ્બરે યોજાશે અને 18 ડિસેમ્બરે મતગણતરી અને પરિણામ છે. ગુજરાતમાં છેલ્લા 22 વર્ષથી ભારતીય જનતા પાર્ટીની સરકાર છે અને કોંગ્રેસ પાર્ટીએ આ વખતે તેની સામે જોરદાર રીતે પડકાર ઊભો કર્યો છે.
