કોરોના વાઈરસ રોગચાળા સામે દર્દીઓની સારવાર કરનાર અને પોતાના જાનની પરવા ન કરીને સતત સેવા બજાવનાર દેશભરની હોસ્પિટલોના ડોક્ટરો તથા અન્ય સ્વાસ્થ્ય કર્મચારીઓ તેમજ અન્ય કર્મયોદ્ધાઓનો આભાર માનવા માટે ભારતીય સેનાની ત્રણેય પાંખ – હવાઈદળ, ભૂમિદળ અને નૌકાદળે 3 મે, રવિવારે અનોખી રીત અપનાવી હતી. સેનાનાં હેલિકોપ્ટરોમાંથી દેશની કેટલીક હોસ્પિટલો પર પુષ્પવર્ષા કરવામાં આવી હતી તો લડાયક વિમાનોએ ફ્લાયપાસ્ટ કર્યું હતું.
