ફિલ્મફેર ગ્લેમર એન્ડ સ્ટાઈલ એવોર્ડ્સ-2019…

મુંબઈમાં 13 ફેબ્રુઆરી, બુધવારે યોજવામાં આવેલા ફિલ્મફેર ગ્લેમર એન્ડ સ્ટાઈલ એવોર્ડ્સ-2019 સમારંભમાં બોલીવૂડની અનેક અભિનેત્રીઓએ આકર્ષક વસ્ત્રોમાં સજ્જ થઈને સૌનું ધ્યાન એમની તરફ કેન્દ્રિત કર્યું હતું. સમારંભમાં દીપિકા પદુકોણ, કાજોલ, સોનમ કપૂર-આહુજા, પ્રીતિ ઝીન્ટા, જ્હાન્વી કપૂર સહિત અનેક અભિનેત્રીઓએ હાજરી આપી હતી. જ્હાન્વી કપૂરને ઈમર્જિંગ ફેસ ઓફ ફેશન (સ્ત્રી), ઈશાન ખટ્ટરને ઈમર્જિંગ ફેસ ઓફ ફેશન (પુરુષ), કાજોલને ટાઈમલેસ બ્યુટી, સોનાક્ષી સિન્હાને રિસ્ક-ટેકર ઓફ ધ યર, સોનમ કપૂરને મોસ્ટ સ્ટાઈલિશ સ્ટાર (સ્ત્રી), શાહીદ કપૂરને મોસ્ટ સ્ટાઈલિશ સ્ટાર (પુરુષ), દીપિકા પદુકોણને મોસ્ટ ગ્લેમરસ સ્ટાર (સ્ત્રી), શાહરૂખ ખાનને મોસ્ટ ગ્લેમરસ સ્ટાર (પુરુષ) એવોર્ડથી સમ્માનિત કરવામાં આવ્યાં હતાં.