ભાઈ-બહેનના પવિત્ર અને નિઃસ્વાર્થ પ્રેમના પ્રતિક સમાન રક્ષાબંધન તહેવારની 15 ઓગસ્ટ, ગુરુવારે દેશભરમાં પરંપરાગત શ્રદ્ધા, ઉત્સાહ અને ઉમંગ સાથે ઉજવણી કરવામાં આવી હતી. નવી દિલ્હીમાં વડા પ્રધાન નરેન્દ્ર મોદીને કેટલીક મહિલાઓ તથા બાળકોએ રાખડી બાંધી હતી. લખનઉમાં, ઉત્તર પ્રદેશનાં રાજ્યપાલ આનંદીબેન પટેલે રાજ્યના મુખ્ય પ્રધાન યોગી આદિત્યનાથને રાખડી બાંધી હતી. નવી દિલ્હીમાં, કેન્દ્રીય પ્રધાન સાધ્વી નિરંજન જ્યોતિએ સાથી કેન્દ્રીય પ્રધાન મુખ્તાર અબ્બાસ નક્વીને રાખડી બાંધી હતી.
