ઘરમાં કોઈ સામગ્રી ઉપલબ્ધ ન હોય અને તાત્કાલિક નાસ્તો બનાવવો હોય તો મસાલા બ્રેડ ઝટપટ બની જાય છે!
સામગ્રીઃ
- બ્રેડ 7-8
- કાંદા 2
- ટામેટાં 3-4
- લીલા મરચાં 4-5
- આદુનો ટુકડો 1 ઈંચ
- લસણ 4-5 કળી
- તેલ વઘાર માટે 2 ટે.સ્પૂન
- સિમલા મરચું 1
- કોથમીર સમારેલી 2 ટે.સ્પૂન
- જીરૂ 1 ટી.સ્પૂન
- પાઉંભાજી મસાલો 2 ટી.સ્પૂન
- હળદર પાઉડર 1 ટી.સ્પૂન
- મરચાં પાઉડર 1 ટી.સ્પૂન
- સ્વાદ મુજબ મીઠું
રીતઃ બ્રેડને નાના ચોરસ ટુકડામાં કટ કરી લો. આદુ તેમજ લસણને ઝીણાં સમારી લો. મરચાંને પણ ઝીણા ગોળ સમારી લો. કાંદો, સિમલા મરચું પણ ચોરસ ઝીણાં સમારી લો.
આ મસાલા બ્રેડ બીજી કોઈ સામગ્રી કે શાક ના ઉમેરતાં, ફક્ત કાંદા અને ટામેટાંનો વઘાર કરી, મસાલા ઉમેરીને પણ સ્વાદિષ્ટ લાગશે!
એક કઢાઈમાં તેલ ગરમ કરી જીરૂ વઘારીને તેમાં સમારેલાં આદુ-મરચાં-લસણ ઉમેરીને તરત સમારેલો કાંદો ઉમેરી દો. બે મિનિટ સાંતળ્યા બાદ તેમાં સિમલાં મરચું પણ ઉમેરી દો. થોડીવાર સાંતળી લીધા બાદ તેમાં હળદર તેમજ મરચાં પાઉડર, સ્વાદ મુજબ મીઠું, પાઉંભાજી મસાલો ઉમેરીને ટામેટાં ઓગળી જાય એટલે બ્રેડના ટુકડા ઉમેરી દો. 2 મિનિટ બાદ કોથમીર ભભરાવીને ગેસ બંધ કરીને મસાલા બ્રેડ ગરમાગરમ પીરસો.
