મુંબઈ: મનોજ બાજપેયીને દિગ્દર્શક રામ રેડ્ડીની તેજસ્વી અને સિનેમેટિક પ્રેમથી ભરેલી ફિલ્મ ‘ધ ફેબલ’ માટે MAMI મુંબઈ ફિલ્મ ફેસ્ટિવલ 2024માં દક્ષિણ એશિયા સ્પર્ધામાં વિશેષ જ્યુરી પુરસ્કાર એનાયત કરવામાં આવ્યો છે. ગયા અઠવાડિયે MAMI ખાતે તેનું પ્રીમિયર થયું હતું. પુરસ્કારની જાહેરાત કરતા ફિલ્મ નિર્માતા કબીર ખાને આ ફિલ્મને એક અત્યાધુનિક અને કાલ્પનિક ફિલ્મ ગણાવી જે તેમની સમગ્ર ટીમની મહેનત દર્શાવે છે. તેણે મનોજ બાજપેયીની પણ પ્રશંસા કરી છે અને હવે અભિનેતાની પ્રતિક્રિયા સામે આવી છે.

મનોજ બાજપેયી તેમના શાનદાર અભિનય માટે જાણીતા છે. ફિલ્મમાં મનોજ ઉપરાંત પ્રિયંકા બોસ, દીપક ડોબરિયાલ, તિલોત્તમા શોમ, હિરલ સિદ્ધુ અને અવન પુકોટે પણ સારું કામ કર્યું છે. રામ રેડ્ડી હાલમાં અન્ય ફિલ્મ ફેસ્ટિવલમાં હાજરી આપવા માટે સ્પેનમાં છે. તેથી જ તે મામીના સમાપન સમારોહમાં હાજર નહોતા. પરંતુ તેના પિતા નિર્માતા પ્રતાપ રેડ્ડીએ ટીમ વતી તેમનો એક સંદેશ વાંચ્યો,’અમે આ અદ્ભુત તક માટે મામીનો આભાર માનીએ છીએ કે જેણે અમને આટલી હૂંફાળું અને ઉત્સાહિત ઇવેન્ટમાં અમારી ફિલ્મ પ્રદર્શિત કરવાની તક આપી .

રામ રેડ્ડીએ આગળ લખ્યું,’આ સપનાને સ્ક્રીન પર લાવવા માટે અમારી ટીમે ઘણા પડકારોને પાર કરીને પૂરા દિલથી કામ કર્યું. અમે આ માન્યતા માટે અત્યંત નમ્ર અને આભારી છીએ. ઘણી રીતે MAMI પ્રેક્ષકો અમારા પ્રથમ પ્રેક્ષકો છે અને અમે તમારો ટેકો મેળવવા માટે ભાગ્યશાળી અનુભવીએ છીએ. આ સ્વપ્ન સાકાર કરવા બદલ આપ સૌનો આભાર.’

અભિનેતા મનોજ બાજપેયીએ કહ્યું,’ધ ફેબલનો ભાગ બનવું મારા માટે ખૂબ જ આનંદની વાત છે. વાર્તાએ મને એક અભિનેતા તરીકે ફરી એકવાર પડકાર ફેંક્યો અને હું કંઈક નવું કરી શક્યો. પ્રકૃતિ અને માનવીય લાગણીઓ વચ્ચે સંતુલન સર્જનાર આ પાત્રે મને ઘણું શીખવ્યું.અમે મહામારી પહેલા કામ શરૂ કર્યુ, કામ અટક્યુ અને પછી ફરી શૂટ શરૂ કરી પૂર્ણ પણ કર્યુ. તમામ પડકારો છતાં ક્રૂએ પણ શાનદાર કામ કર્યુ. MAMI ફેસ્ટિવલમાં સ્પેશિયલ જ્યુરી પ્રાઈઝ ફિલ્મ જીતીને હું ખૂબ જ ખુશ છું.