IPL 2025: પાછલા ઘણા સમયથી શ્રેયસ ઐયર ચોથા નંબરે ભારત માટે સૌથી વિશ્વસનીય બેટ્સમેન બન્યો છે. ચેમ્પિયન્સ ટ્રોફી 2025માં ભારતને શાનદાર વિજય અપાવ્યા બાદ કેપ્ટન રોહિત શર્માએ તેને ‘સાયલન્ટ હીરો’ (Silent Hero) કહ્યો. છેલ્લા 8 વનડે મેચોમાં 53 ની સરેરાશથી રનરેટ બનાવીને, શ્રેયસે પોતાનું મહત્વ સાબિત કર્યું છે.
તેણે પોતાની ટેક્નિકલ નબળાઈ અને શોર્ટ બોલ સામેની સમસ્યાઓ અંગે ઘણી ટીકાઓ સહન કરી. જોકે, શ્રેયસે હંમેશા પોતાને વધુ મજબૂત બનાવવા પર ધ્યાન કેન્દ્રિત કર્યું. ઈંગ્લેન્ડ સામેની ટેસ્ટ સિરીઝ દરમિયાન પીઠની ઈજા, સેન્ટ્રલ કોન્ટ્રાક્ટ ગુમાવવો, અને IPLમાં KKR દ્વારા રિલીઝ થવો, આ બધું થવા છતાં, તે મજબૂત મનોબળ સાથે આગળ વધતો રહ્યો. તેણે એક મીડિયા ઈન્ટરવ્યૂહ દરમિયાન કહ્યું કે “કદાચ મારી નબળાઈ અંગે વિશેષ છાપ ઊભી થઈ હતી, પણ મને હંમેશા મારી શક્તિ અને ક્ષમતાનો વિશ્વાસ હતો. ખેલાડી તરીકે સતત સુધારો જરૂરી છે અને મેં પણ એ જ કર્યું.”
IPL 2025 માટે શ્રેયસ ઐયર પંજાબ કિંગ્સ (PBKS)ની કેપ્ટનશીપ સંભાળશે. KKRને ચેમ્પિયન બનાવ્યા બાદ આ નવી જવાબદારીમાં પણ શ્રેયસે શ્રેષ્ઠ પ્રદર્શન કરવાનું લક્ષ્ય રાખ્યું છે. “મારે માત્ર મારી મહેનત પર ધ્યાન આપવું હતું, અને મને વિશ્વાસ હતો કે મારા પ્રદર્શનથી મને ફરી તક મળશે.”વધુમાં તેણે જણાવ્યુ કે “મને ચોથા ક્રમ પર બેટિંગ કરવાનો આનંદ આવે છે. વર્લ્ડ કપ 2023 અને ચેમ્પિયન્સ ટ્રોફી, બંનેમાં આ ક્રમ પર રમીને હું સારું પ્રદર્શન કર્યું છે.” શ્રેયસ હવે IPL 2025માં પંજાબ કિંગ્સ માટે એક નવી શરૂઆત કરવા આતુર છે. હવે જોવું રહ્યું કે શું તે આ સિઝનમાં પણ કેપ્ટનશીપ અને બેટિંગના ધમાકેદાર પ્રદર્શન દ્વારા ટીમને ટોપ 4માં લઈ જઈ શકે છે!
માત્ર છ મહિના નોકરી કરી ડિસેમ્બર માસમાં પોસ્ટઓફિસની નોકરી છોડી દીધી હતી. આ છ માસ દરમિયાન પોસ્ટઓફિસના મારા કામમાં તો ક્યારેય ભલીવાર ન આવ્યો તે ન જ આવ્યો. પરંતુ આ છ મહિના દરમિયાન મને ઘણા મિત્રો – નગર પંચાયતના પ્રમુખ રસિકચંદ્ર આચાર્ય (ગુજરાત રાજ્યના પૂર્વ મંત્રી)થી માંડી બાલમંદિરના આચાર્ય નવીનભાઈ જોશી સહિત ઘણા મિત્રો મળ્યા. આ છ મહિના દરમિયાન ઊનામાં નાટ્યપ્રવૃત્તિ પણ કરી. ડિસેમ્બર, 1959માં ઊના છોડ્યા પછી તરત જ ફેબ્રુઆરી 1960માં એક લગ્ન નિમિત્તે ઊના જવાનું થયું, ને સૌ મિત્રોને ફરી મળવાનું થયું. આ બીજી મુલાકાતે મને રજનીકુમાર મેળવી આપ્યા.
“ઝબકાર”ના છ ભાગ રજનીકુમાર પંડ્યાનું અનન્ય અર્પણ છે! મૂળે વર્તમાનપત્રોની કલમરૂપે લખાયેલા આ ચરિત્ર નિબંધો અનેક રીતે વિશિષ્ટ છે. કાળની ગર્તમાં ખોવાઈ ગયેલાં કેટલાંક પાત્રોને એ ફરી તખ્તા ઉપર લઈ આવ્યા. “ઝબકાર”ના ચરિત્ર્ય નિબંધો રજનીકુમારની સહજસિદ્ધ વાર્તાકલાનો ભરપૂર લાભ મળ્યો છે. સર્જનાત્મક ભાષાના કારણે આ ચરિત્ર્યો એકદમ રસપ્રદ બન્યા છે. આવાં કેટલાંક ચરિત્ર્ય-નિબંધો વાંચીને દર્શકે રજનીકુમાર પંડ્યાને લખેલું કે તમારા લેખો વાંચીને થાય છે કે આજે પણ દુનિયામાં કેટલી બધી સારપ છે, દુનિયામાં કેટલાં બધાં સારા માણસો છે.
રજનીકુમારની સર્જક્તાનું એક મજબૂત પાસું લગભગ અજાણ્યું રહી જવા પામ્યું છે. આ પાસું તે એમની હાસ્યકાર તરીકેની પ્રતિભા. “શબ્દઠેઠ્ઠા” તીરછી નજર હાસ્ય બિલોરી, વગેરે બિલોરી શ્રેણીના પુસ્તકો રજનીકુમારની હાસ્યકાર તરીકેની પ્રતિભા દર્શાવનારા પુસ્તકો છે. ગુજરાતી ભાષામાં હાસ્ય-વાર્તાઓ ઓછી લખાઈ છે- લખાય છે. હાસ્ય વાર્તાઓના જૂજ સંગ્રહો થયા છે. અગાઉ લખાયેલી હાસ્યવાર્તાઓથી રજનીકુમનારની વાર્તાઓ તદ્દન અલગ પડે છે. અગાઉની વાર્તાઓમાં એવું લાગે કે એમાં હાસ્યસિદ્ધ થાય છે એના પ્રમાણમાં વાર્તાનું સ્વરૂપ સિદ્ધ થતું નથી. અથવા એમ કહેવાય છે કે સ્વરૂપ સિદ્ધ કરવા પ્રત્યે લેખકોનું એટલું ધ્યાન નહોતું. જ્યારે રજનીકુમારની હાસ્યવાર્તાઓમાં “હાસ્ય” સાધન તરીકે આવે છે અને સર્જકનું લક્ષ્ય સ્વરૂપ સિદ્ધ કરવા તરફ હોય છે.
રજનીકુમારના પાર્થિવ દેહના અગ્નિસંસ્કાર વખતે સ્મશાને જવા હું નીકળ્યો ત્યારે હસિત મહેતાનો ફોન આવ્યો કે અગ્નિદાહની વિધી કરવાની છે, તમને પહોંચતા કેટલીવાર લાગશે? રજનીકુમારના પાર્થિવદેહના અંતિમ દર્શન કરવાની ઈચ્છા તો ખૂબ હતી. પરંતુ ત્યાં પહોંચવામાં વીસ—પચ્ચીસ મિનિટ નીકળી જાય તેમ હતી. ઘણા બધાંનો આટલો બધો સમય મારી રાહ જોવામાં જાય તે મને ઉચિત ન લાગ્યું અને પછી મનોમન બોલ્યો રજનીકુમારની હ્રદયમાં પડેલી છબિ તો આ જીવન એવીને એવી રહેવાની છે!
