પાકિસ્તાનના પૂર્વ વડાપ્રધાન અને પાકિસ્તાન તહરીક-એ-ઈન્સાફના પ્રમુખ ઈમરાન ખાન વિરુદ્ધ જામીનપાત્ર વોરંટ જારી કરવામાં આવ્યું છે. ઈમરાન ખાન ઉપરાંત અસદ ઉમર, ફવાદ ચૌધરી સામે પણ વોરંટ જારી કરવામાં આવ્યું છે. પાકિસ્તાનના ચૂંટણી પંચની ચાર સભ્યોની બેંચ દ્વારા આ વોરંટ જારી કરવામાં આવ્યું છે.
ઈમરાન ખાનને તિરસ્કારના કેસમાં આ ધરપકડ વોરંટ જારી કરવામાં આવ્યું છે. આ કેસની સુનાવણી દરમિયાન નિસાર દુરાનીની અધ્યક્ષતાવાળી ચાર સભ્યોની બેન્ચે પોતાનો ચુકાદો આપ્યો હતો. હવે આ કેસની સુનાવણી 17 જાન્યુઆરી સુધી ટાળી દેવામાં આવી છે. ચૂંટણી પંચે ગયા વર્ષે પીટીઆઈના ટોચના નેતાઓને માનહાનિની નોટિસ પાઠવી હતી.
ચૂંટણી પંચ વિશે અપમાનજનક વાતો કહેવામાં આવી હતી
ચૂંટણી પંચે કહ્યું છે કે ઈમરાન ખાન અને પીટીઆઈના મોટા નેતાઓએ તેમની રેલીઓ અને મીડિયામાં ચૂંટણી પંચ અને રાષ્ટ્રપતિ વિશે ખૂબ જ અપમાનજનક વાતો કહી હતી. પીટીઆઈના નેતાઓએ આ કેસમાં મુક્તિ આપવા માટે કમિશનને વિનંતી કરી હતી પરંતુ કમિશને તેમની અપીલ ફગાવી દીધી હતી. પંચે તમામ નેતાઓને 17 જાન્યુઆરીએ હાજર થવાનો આદેશ આપ્યો છે. આ પહેલા પંચે પોતાનો નિર્ણય 3 જાન્યુઆરી સુધી અનામત રાખ્યો હતો.
પીટીઆઈના નેતાઓ હાઈકોર્ટમાં જવાની તૈયારી કરી રહ્યા છે
પીટીઆઈ નેતા ફવાદ ચૌધરીએ ચૂંટણી પંચના નિર્ણય સામે હાઈકોર્ટ જવાની વાત કરી છે. તેણે ટ્વીટ કરીને કહ્યું કે, ‘અમે નિર્ણય વિરુદ્ધ હાઈકોર્ટમાં જઈશું અને કમિશન સામે માનહાનિનો કેસ દાખલ કરીશું. ધરપકડ વોરંટ જાહેર કરવાનો ચૂંટણી પંચનો આ નિર્ણય હાઈકોર્ટના નિર્ણયની અવમાનના છે. આ કેસની સુનાવણી 17 જાન્યુઆરીએ થવાની હતી, પરંતુ આજે જ નિર્ણય આવી ગયો, જે નિયમોનું ઉલ્લંઘન છે.
