ભારતની બે મોટી ખાનગી બેંકોએ ગ્રાહકોને મોટો ઝટકો આપ્યો છે. ICICI અને HDFC એ તેમના MCLR દરોમાં ઘટાડો કરવાની જાહેરાત કરી છે. ખાનગી ક્ષેત્રની HDFC બેંકે તેના લોન દર MCLR માં 10 બેસિસ પોઇન્ટનો ઘટાડો કર્યો છે, જે હવેથી 3 વર્ષના સમયગાળા માટે 8.90% થી 9.10% ની વચ્ચે છે. બીજી તરફ, ICICI બેંકે 3 કરોડ રૂપિયા સુધીની થાપણો પર વ્યાજ દરમાં 10 થી 35 બેસિસ પોઇન્ટનો ઘટાડો કર્યો છે.
ICICI બેંક હવે 271 દિવસથી 1 વર્ષ સુધીની થાપણો પર 5.75% વ્યાજ ચૂકવી રહી છે, જે પહેલા કરતા 25 બેસિસ પોઇન્ટ ઓછો છે. 18 મહિનાથી 2 વર્ષ સુધીની થાપણો પર વ્યાજ દર 35 બેસિસ પોઇન્ટ ઘટીને 6.50% થયો છે. 5 વર્ષથી 10 વર્ષની થાપણો પર વ્યાજ દર 10 બેસિસ પોઇન્ટ ઘટાડીને 6.60% કરવામાં આવ્યો છે. આ ઉપરાંત, ટેક્સ સેવર એફડી પર વ્યાજ દરમાં 15 બેસિસ પોઈન્ટનો ઘટાડો કરવામાં આવ્યો છે, જે હવે 6.60% છે.
