ટીમ ઈન્ડિયાની 2 મેચના ટાઈમટેબલમાં અચાનક ફેરફાર કરાયો

BCCIએ સોમવારે એક મોટી જાહેરાત કરી અને ટીમ ઈન્ડિયાના 2 ટેસ્ટ મેચના સ્થળમાં ફેરફાર કર્યો. ભારતીય મહિલા ક્રિકેટ ટીમની ODI શ્રેણીના ત્રણ મેચના સ્થળોમાં પણ ફેરફાર કરવામાં આવ્યા. નવા સમયપત્રકની જાહેરાત કરતા BCCIએ જણાવ્યું છે કે 2 ઓક્ટોબર, 2025 થી વેસ્ટ ઈન્ડિઝ સામે શરૂ થનારી ટેસ્ટ શ્રેણીની બીજી મેચ હવે કોલકાતાને બદલે દિલ્હીના અરુણ જેટલી સ્ટેડિયમમાં રમાશે. 14 નવેમ્બરથી દક્ષિણ આફ્રિકા સામે શરૂ થનારી ટેસ્ટ શ્રેણીની પહેલી મેચ હવે દિલ્હીને બદલે કોલકાતાના ઈડન ગાર્ડન્સમાં રમાશે.

ODI શ્રેણી હવે ચેન્નાઈમાં નહીં રમાય

BCCIએ એક મોટી જાહેરાત કરતા કહ્યું કે ભારત અને ઓસ્ટ્રેલિયા વચ્ચેની ODI શ્રેણીની ત્રણેય મેચ હવે ચેન્નાઈમાં નહીં રમાય. આ શ્રેણીની બે મેચ હવે નવા ચંદીગઢના નવા PCA સ્ટેડિયમમાં રમાશે, જ્યારે છેલ્લી ODI મેચ દિલ્હીના અરુણ જેટલી સ્ટેડિયમમાં રમાશે. ચેપોક સ્ટેડિયમમાં કામ ચાલી રહ્યું છે, જેના કારણે આ શ્રેણી હવે ત્યાં યોજાશે નહીં.

ભારતીય ક્રિકેટ ટીમનું અપડેટેડ શેડ્યૂલ

વેસ્ટ ઇન્ડીઝ અને ભારત વચ્ચે ટેસ્ટ શ્રેણીની પહેલી મેચ 2 ઓક્ટોબરથી અમદાવાદમાં રમાશે.

બીજી ટેસ્ટ મેચ 10 ઓક્ટોબરથી નવી દિલ્હીમાં રમાશે.

દક્ષિણ આફ્રિકા સામેની પહેલી ટેસ્ટ 14 નવેમ્બરથી કોલકાતામાં રમાશે.

બીજી ટેસ્ટ 22 નવેમ્બરથી ગુવાહાટીમાં રમાશે.

દક્ષિણ આફ્રિકા સામેની પહેલી વનડે 30 નવેમ્બરે રાંચીમાં રમાશે.

બીજી વનડે 3 ડિસેમ્બરે રાયપુરમાં રમાશે.

ત્રીજી વનડે 6 ડિસેમ્બરે વિઝાગમાં રમાશે.

દક્ષિણ આફ્રિકા સામેની પહેલી T20 મેચ 9 ડિસેમ્બરે કટકમાં રમાશે.

બીજી T20 11 ડિસેમ્બરે નવા ચંદીગઢમાં રમાશે.

ત્રીજી T20 14 ડિસેમ્બરે ધર્મશાળામાં રમાશે.

ચોથી T20 17 ડિસેમ્બરે લખનૌમાં રમાશે.

પાંચમી T20 મેચ 19 ડિસેમ્બરે અમદાવાદમાં રમાશે.

ઓસ્ટ્રેલિયા-A અને ભારત-A વચ્ચે શ્રેણી

ઓસ્ટ્રેલિયા-એ ની પુરુષ ટીમ પણ ભારતનો પ્રવાસ કરશે. પહેલી મલ્ટી-ડે મેચ 16 સપ્ટેમ્બરથી લખનૌમાં રમાશે. બીજી મેચ પણ 23 સપ્ટેમ્બરથી લખનૌમાં રમાશે. આ પછી, ઓસ્ટ્રેલિયા એ ટીમ કાનપુરમાં ભારત એ સામે ત્રણ મેચની વનડે શ્રેણી રમશે.