બેંગલુરુઃ ભૂતપૂર્વ કેપ્ટન રાહુલ દ્રવિડે દેશની સિનિયર મેન્સ ક્રિકેટ ટીમના હેડ કોચ પદ માટે અરજી નોંધાવી દીધી છે. દ્રવિડ હાલ બેંગલુરુસ્થિત નેશનલ ક્રિકેટ એકેડેમી (એનસીએ)ના વડા છે. આ સંસ્થાના માહિતગાર સૂત્રોના જણાવ્યા મુજબ, દ્રવિડે ટીમ ઈન્ડિયાના વડા કોચ બનવા માટે અરજી નોંધાવી દીધી છે. દરમિયાન, એનસીએના વડા તરીકે દ્રવિડના અનુગામી બનવાની રેસમાં ભૂતપૂર્વ બેટ્સમેન વી.વી.એસ. લક્ષ્મણ મોખરે છે. આ વિશે બીસીસીઆઈ અને લક્ષ્મણ વચ્ચે વાતચીત ચાલી રહી છે.
ટીમ ઈન્ડિયાના વર્તમાન હેડ કોચ રવિ શાસ્ત્રીની મુદત હાલ રમાઈ રહેલી ટ્વેન્ટી-20 વર્લ્ડ કપની સમાપ્તિ સાથે જ પૂરી થશે. વિરાટ કોહલી પણ ટ્વેન્ટી-20 ટીમના કેપ્ટન પદેથી રાજીનામું આપવાનો છે.
