નવી દિલ્હીઃ દિલ્હી વિધાનસભાની ચૂંટણીના ઠીક પહેલાં આમ આદમી પાર્ટીના સાત ધારાસભ્યોએ એકસાથે રાજીનામાં આપતાં પાર્ટીને મોટો આંચકો લાગ્યો છે. દિલ્હીમાં આપ પાર્ટીના સાત વિધાનસભ્યોએ પાર્ટીની પ્રાથમિક સભ્યપદે દિલ્હીના રાજકારણમાં ખળભળાટ મચ્યો છે. જેમાં ત્રિલોકપુરીના ધારાસભ્ય રોહિત મહરોલિયા, જનકપુરીના ધારાસભ્ય રાજેશ ઋષિ, કસ્તુરબા નગરમાંથી મદનલાલ, પાલમ ધારાસભ્ય ભાવના ગૌર સામેલ છે. આ પાંચ વિધાનસભ્યોને આપ પાર્ટીએ હાલની ચૂંટણીમાં ટિકિટ નથી આપી.
આ સિવાય મહરોલીમાંથી નરેશ યાદવ, આદર્શ નગરમાંથી પવન શર્મા અને બિજવાસનમાંથી બીએસ જૂન સામેલ છે. આમ આદમી પાર્ટી દ્વારા અમુક ધારાસભ્યોની ટિકિટ કપાતાં તેઓ નારાજ થયાં હોવાના અહેવાલો છે.જનકપુરીના બે વખત ધારાસભ્ય રહી ચૂકેલા રાજેશ ઋષિએ રાજીનામું આપ્યું છે. ટિકિટ કપાતાં નારાજ રાજેશ ઋષિએ પક્ષના અધ્યક્ષ અરવિંદ કેજરીવાલને રાજીનામું મોકલી આરોપ મૂક્યો હતો કે, પક્ષ મૂળ સિદ્ધાંતોને છોડી ભ્રષ્ટાચારમાં ઓતપ્રોત થયો છે.
BiG setback for Kejriwal as 7 AAP MLAs resigned from party.
Names :
Naresh Yadav, Rajesh Rishi, Madanlal, Bhawna Gaud, Rohit Mehraulia, BS Joon, Pawan Sharma. #आपदा_की_विदाई pic.twitter.com/Ebjvlq8dw3
— Sunny Raj (@SunnyRajBJP) January 31, 2025
દિલ્હીની મહરોલી વિધાનસભા બેઠકમાંથી ધારાસભ્ય નરેશ યાદવે પણ પક્ષમાંથી રાજીનામું આપી દીધું છે. તે સતત ત્રણ વખત આ ક્ષેત્રમાંથી ધારાસભ્ય રહી ચૂક્યા છે. નરેશ યાદવે રાજીનામું આપતાં કહ્યું હતું કે આ પક્ષનો જન્મ ભ્રષ્ટાચાર વિરુદ્ધ લડાઈ લડતાં થયો હતો, પરંતુ હવે પક્ષ જ પોતે જ ભ્રષ્ટાચારમાં ડૂબ્યો છે. અગાઉ ગયા મહિને સિલમપુરમાંથી આપના ધારાસભ્ય અબ્લુદલ રહેમાને પણ પક્ષમાંથી રાજીનામું આપી આક્ષેપ કર્યો હતો કે પક્ષ મુસ્લિમોના અધિકારોને સતત અવગણી રહ્યો છે. તેઓ મુસ્લિમ અને છેવાડાના સમુદાયોના અધિકારોને અવગણી રહ્યો છે.
