સુરક્ષા દળોને મળી મોટી સફળતા, હિઝબુલ મુજાહિદ્દીનના આતંકીની ધરપકડ

પોલીસ અને સેનાએ જમ્મુ અને કાશ્મીરના શોપિયાંમાં હિઝબુલ મુજાહિદ્દીનના ટોચના આતંકવાદીઓમાંથી એક નાસીર અહેમદ શેર ગોજરી ઉર્ફે કાસિમ ભાઈની ધરપકડ કરી હતી. તે 2017 થી સક્રિય હતો અને વિવિધ ગુનાહિત કેસોમાં સંડોવાયેલો હતો. જમ્મુ અને કાશ્મીર પોલીસે રવિવારે જણાવ્યું હતું કે કેસ નોંધવામાં આવ્યો છે અને વધુ તપાસ ચાલી રહી છે. ઘાટીમાં સુરક્ષા દળો સતત આતંકનો ખાત્મો કરવામાં લાગેલા છે. તેની સાથે આતંકવાદી હુમલા પણ થઈ રહ્યા છે. દરમિયાન, જમ્મુ અને કાશ્મીરના ઇદગાહ વિસ્તારમાં, એજાઝ અહમદ દેવા નામનો એક વ્યક્તિ આતંકવાદીઓ દ્વારા ફેંકવામાં આવેલા ગ્રેનેડમાં શ્રેપનલથી વાગવાથી ઘાયલ થયો હતો.

જમ્મુમાં બોમ્બ બ્લાસ્ટ થયા હતા

શ્રીનગર પોલીસે રવિવારે કહ્યું કે ઘાયલ વ્યક્તિને હોસ્પિટલમાં લઈ જવામાં આવ્યો છે અને તે ખતરાની બહાર છે. આરોપીઓને પકડવા માટે ઓપરેશન શરૂ કરવામાં આવ્યું હતું. આ ઘટના સિવાય જમ્મુ શહેરની બહારના એક વ્યસ્ત વિસ્તારમાં શનિવારે બે બ્લાસ્ટ થયા હતા, જેમાં નવ લોકો ઘાયલ થયા હતા.

NIAએ ક્રાઈમ સ્પોટની મુલાકાત લીધી

આ વિસ્ફોટો એવા સમયે થયા છે જ્યારે પ્રદેશમાં સુરક્ષા એજન્સીઓ કોંગ્રેસની ભારત જોડો યાત્રા અને આગામી ગણતંત્ર દિવસની ઉજવણીને ધ્યાનમાં રાખીને હાઈ એલર્ટ પર છે. અધિકારીઓએ જણાવ્યું હતું કે NIAએ રવિવારે સવારે વિસ્ફોટના સ્થળોની મુલાકાત લીધી હતી અને ફેડરલ એન્ટી ટેરર ​​એજન્સી આ કેસની સંપૂર્ણ તપાસ માટે કબજો લઈ શકે છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]