પાકિસ્તાની ક્રિકેટર શોએબ મલિકના ત્રીજા લગ્ન પર સાનિયા મિર્ઝાના પરિવાર તરફથી પહેલીવાર સત્તાવાર નિવેદન આપવામાં આવ્યું છે. અને આ સાથે સાનિયા મિર્ઝા અને શોએબ મલિકના છૂટાછેડાના સમાચારને પણ સમર્થન મળ્યું છે. સાનિયા મિર્ઝાની બહેન અનમ મિર્ઝા દ્વારા એક નિવેદન જારી કરવામાં આવ્યું છે, જેમાં એ પણ ખુલાસો થયો છે કે સાનિયા મિર્ઝા અને શોએબ મલિકના ઘણા સમય પહેલા છૂટાછેડા થઈ ગયા હતા.
સાનિયા મિર્ઝાની બહેન અનમ મિર્ઝાએ એક પોસ્ટ કરી છે, જેમાં તેણે લખ્યું છે કે, સાનિયાએ હંમેશા તેના અંગત જીવનને જાહેર પ્લેટફોર્મથી અલગ રાખ્યું છે. પણ હવે એવો પ્રસંગ આવ્યો છે જ્યારે બધું જ કહેવાની જરૂર છે. અમે જણાવવા માંગીએ છીએ કે શોએબ અને સાનિયાના થોડા મહિના પહેલા જ છૂટાછેડા થયા હતા. હવે સાનિયાએ શોએબને તેના નવા જીવન માટે અભિનંદન પાઠવ્યા છે.
અનમ મિર્ઝાએ એક નિવેદન બહાર પાડ્યું
અનમ મિર્ઝાના નિવેદનમાં આગળ લખ્યું છે કે અમે સાનિયાના જીવનની આ ભાવનાત્મક ક્ષણમાં તેની સાથે છીએ, અમે તમામ ચાહકો અને પ્રિયજનોને અપીલ કરીએ છીએ કે તેઓ કોઈપણ પ્રકારની અટકળો ન કરે અને ગોપનીયતાનું સન્માન જાળવે. મિર્ઝા પરિવાર અને ટીમ સાનિયા તરફથી અપીલ. તમને જણાવી દઈએ કે સાનિયા મિર્ઝા અને શોએબ મલિકે વર્ષ 2010માં લગ્ન કર્યા હતા. તેમનો સંબંધ લગભગ 14 વર્ષ સુધી ચાલ્યો, તેઓ કેટલાક સમયથી અલગ રહેતા હતા અને છૂટાછેડાની અટકળો સતત ચાલી રહી હતી. દરમિયાન શોએબ મલિકના લગ્નના સમાચાર સામે આવ્યા હતા, શોએબ મલિકે પાકિસ્તાની અભિનેત્રી સના જાવેદ સાથે લગ્ન કર્યા છે. સાનિયા અને શોએબને એક પુત્ર ઇઝાન પણ છે, જે છૂટાછેડા પછી દુબઈમાં રહેશે.
