ભારતીય પેરા બેડમિન્ટન ખેલાડી નિતેશ કુમારે સોમવારે પેરિસ પેરાલિમ્પિક્સમાં શાનદાર પ્રદર્શન કર્યું અને ગોલ્ડ મેડલ જીત્યો. તેણે બ્રિટિશ પેરા બેડમિન્ટન ખેલાડી ડેનિયલ બેથેલને મેન્સ સિંગલ્સ SL3 કેટેગરીની મેડલ મેચમાં 21-14, 18-21, 23-21ના સ્કોરથી હરાવ્યો હતો. નિતેશે આ મેચની પ્રથમ ગેમ 21-14થી જીતી હતી. જો કે, તે બીજી ગેમમાં પાછળ પડી ગયો અને બેથેલે ગેમ 18-21થી જીતી લીધી. ત્રીજી ગેમમાં બંને ખેલાડીઓ વચ્ચે ખૂબ જ જોરદાર સ્પર્ધા જોવા મળી અને એક તબક્કે સ્કોર 20-20 સુધી પહોંચી ગયો. જોકે, નિતેશે 23-21થી ગેમ જીતીને ગોલ્ડ મેડલ જીત્યો હતો.
That 𝐆𝐎𝐋𝐃𝐄𝐍 moment! 🤩
Watch Nitesh Kumar’s gold-medal-winning shot from the grueling 80-minute FINAL at the #ParalympicGamesParis2024.#ParalympicsOnJioCinema #JioCinemaSports #Paris2024 #Badminton pic.twitter.com/9pWlAhMEDq
— JioCinema (@JioCinema) September 2, 2024
પેરિસ પેરાલિમ્પિક્સમાં ભારતના મેડલની સંખ્યા હવે 9 પર પહોંચી ગઈ છે. અત્યાર સુધી ભારતના ખાતામાં બે ગોલ્ડ, ત્રણ સિલ્વર અને ચાર બ્રોન્ઝ મેડલ છે. સૌ પ્રથમ, અવની લેખરાએ 30 ઓગસ્ટના રોજ R2 મહિલા 10 મીટર એર રાઇફલ (SH1) ઇવેન્ટમાં ગોલ્ડ મેડલ જીત્યો હતો. અવનીએ પેરાલિમ્પિક રેકોર્ડ સાથે ગોલ્ડ મેડલ જીત્યો હતો. ભારતની મોના અગ્રવાલે આ જ ઈવેન્ટમાં બ્રોન્ઝ મેડલ જીત્યો હતો.
NITESH KUMAR WINS THE GOLD 🥇
🤩🇮🇳Nitesh Kumar wins 🇮🇳’s second 🥇 medal of #ParisParalympics2024, winning the Men’s Singles SL3 #Badminton
This is Kumar’s first win against Bethell in his tenth attempt. WHAT A DAY TO DO IT!👏😍#NiteshKumar#IndiaAtParalympics#Cheer4Bharat pic.twitter.com/KRDAvd9HrN
— Gaurav Pandey (@Statistician400) September 2, 2024
ત્યારબાદ પ્રીતિ પાલે પેરિસ પેરાલિમ્પિક્સમાં ભારતને ત્રીજો મેડલ અપાવ્યો હતો. તેણે મહિલાઓની 100 મીટર દોડ (T35)માં બ્રોન્ઝ મેડલ જીત્યો હતો. આ પછી શૂટર મનીષ નરવાલે ભારતને ચોથો મેડલ અપાવ્યો. તેણે પુરુષોની 10 મીટર એર પિસ્તોલ (SH1)માં સિલ્વર મેડલ જીત્યો. પેરિસ પેરાલિમ્પિક્સ 2024ના ત્રીજા દિવસે 31 ઓગસ્ટના રોજ, મહિલા શૂટર રૂબિના ફ્રાન્સિસે પાંચમો મેડલ જીત્યો. આ બ્રોન્ઝ મેડલ હતો. ત્યારબાદ 1 ઓગસ્ટના રોજ, પ્રીતિ પાલે મહિલાઓની 200 મીટર દોડ (T35)માં બ્રોન્ઝ મેડલ જીત્યો અને નિષાદ કુમારે મેન્સ હાઈ જમ્પ (T47)માં સિલ્વર મેડલ જીત્યો. હવે 2 સપ્ટેમ્બરે યોગેશ કથુનિયાએ ડિસ્કસ થ્રોમાં સિલ્વર મેડલ જીત્યો અને નીતિશ કુમારે પેરા બેડમિન્ટનમાં ગોલ્ડ મેડલ જીત્યો.
પેરિસ પેરાલિમ્પિક્સ 2024માં ભારતના મેડલ વિજેતાઓ
1. અવની લેખરા (શૂટિંગ) – ગોલ્ડ મેડલ, મહિલાઓની 10 મીટર એર રાઈફલ (SH1)
2. મોના અગ્રવાલ (શૂટિંગ) – બ્રોન્ઝ મેડલ, મહિલાઓની 10 મીટર એર રાઈફલ (SH1)
3. પ્રીતિ પાલ (એથ્લેટિક્સ) – બ્રોન્ઝ મેડલ, મહિલાઓની 100 મીટર રેસ (T35)
4. મનીષ નરવાલ (શૂટિંગ) – સિલ્વર મેડલ, પુરુષોની 10 મીટર એર પિસ્તોલ (SH1)
5. રૂબિના ફ્રાન્સિસ (શૂટિંગ) – બ્રોન્ઝ મેડલ, મહિલાઓની 10 મીટર એર પિસ્તોલ (SH1)
6. પ્રીતિ પાલ (એથ્લેટિક્સ) – બ્રોન્ઝ મેડલ, મહિલાઓની 200 મીટર રેસ (T35)
7. નિષાદ કુમાર (એથ્લેટિક્સ) – સિલ્વર મેડલ, મેન્સ હાઈ જમ્પ (T47)
8. યોગેશ કથુનિયા (એથ્લેટિક્સ) – સિલ્વર મેડલ, મેન્સ ડિસ્કસ થ્રો (F56)
9. નિતેશ કુમાર (બેડમિન્ટન) – ગોલ્ડ મેડલ, મેન્સ સિંગલ્સ (SL3)
