નવી દિલ્હીઃ પહેલગામમાં થયેલા તાજેતરના આતંકવાદી હુમલા પછી ભારત અને પાકિસ્તાન વચ્ચે તણાવ વધતો જઈ રહ્યો છે. પાકિસ્તાની હેકર્સે ભારતની મહત્વપૂર્ણ ડિફેન્સ વેબસાઇટ્સને નિશાન બનાવી છે અને સંરક્ષણ કર્મચારીઓની ગુપ્ત માહિતી લીક થવાની આશંકા છે.
આ આ સાઇબર હુમલાઓમાં સંરક્ષણ કર્મચારીઓની સંવેદનશીલ માહિતીમાં તેમની લોગિન વિગતો પણ સામેલ છે. પાકિસ્તાન સાઇબર ફોર્સ નામના એક X (હવે પૂર્વમાં Twitter) હેન્ડલે દાવો કર્યો છે કે હેકર્સે મિલિટરી એન્જિનિયરિંગ સર્વિસીસ અને મનોહર પર્રિકર ડિફેન્સ સ્ટડીઝ એન્ડ એનાલિસિસ ઇન્સ્ટિટ્યૂટના સંવેદનશીલ ડેટા સુધી પહોંચી માહિતી મેળવી છે, એમ સૂત્રોએ કહ્યું હતું.
આ ગ્રુપે સંરક્ષણ મંત્રાલયના હેઠળ આવતા પબ્લિક સેક્ટર યુનિટ “આર્મર્ડ વ્હીકલ નિગમ લિમિટેડ”ની વેબસાઇટને પણ નુકસાન પહોંચાડવાનો પ્રયાસ કર્યો હતો. એનાથી શક્ય નુકસાનીનો અંદાજ લગાવવા માટે આ વેબસાઇટને સંપૂર્ણ ઓડિટ માટે ઓફલાઇન કરી દેવામાં આવી છે.
સાઇબર સુરક્ષા નિષ્ણાતો હાલમાં કોઈ પણ વધારાના હુમલાનું નિરીક્ષણ કરવા માટે સાયબર સ્પેસની સજાગ રીતે મોનિટરિંગ કરી રહ્યા છે, ખાસ કરીને એવા હુમલાઓ પર ધ્યાન કેન્દ્રિત કરીને જે પાકિસ્તાન સાથે સંકળાયેલાં તત્ત્વો દ્વારા પ્રાયોજિત હોઈ શકે. ભવિષ્યમાં ઘૂસણખોરી અટકાવવા માટે સુરક્ષા માળખાને મજબૂત બનાવવાનાં જરૂરી પગલાં લેવામાં આવી રહ્યાં છે.
પાકિસ્તાન સાઇબર ફોર્સ હેન્ડલ, જેને હવે બ્લોક કરવામાં આવ્યો છે, તેણે આર્મ્ર્ડ વેહિકલ નિગમ લિમિટેડના એક વેબપેજના સ્ક્રીનશોટ શેર કર્યા હતા, જેમાં ભારતીય ટેન્કની છબીને પાકિસ્તાની ટેન્કથી બદલી દેવામાં આવી હતી. આ હેન્ડલે એવો પણ દાવો કર્યો હતો કે તેની પાસે મનોહર પર્રિકર ઇન્સ્ટિટ્યૂટની વેબસાઇટના 1600 યુઝર્સના 10 GB કરતાં વધુ ડેટા સુધીની પહોંચ છે.
