ગુજરાતમાં છેલ્લા ઘણા દિવસથી મેઘરાજા બઘડાટી બોલાવી રહ્યા છે. જેના પગલે ઠેર ઠેર જળબંબાકાર જેવી સ્થિતિ સર્જાઈ છે. જેના કારણે 28મી ઓગસ્ટથી શરૂ થતી DYSOની પરીક્ષા મોકૂફ રાખવામાં આવી હતી. હવે આ પરીક્ષાની નવી તારીખ GPSC દ્વારા જાહેર કરવામાં આવી છે.
વરસાદના કારણે મોકૂફ રાખેલી DYSOની પરીક્ષા હવે 8થી 11 સપ્ટેમ્બર વચ્ચે યોજાશે. GPSC દ્વારા આ અંગે સોશિયલ મીડિયા પર પણ જાણકારી આપવામાં આવી છે. જેમાં જણાવ્યું છે કે નાયબ સેક્શન અધિકારી/નાયબ મામલતદાર, વર્ગ-3ની મુખ્ય લેખિત પરીક્ષા હવે 8, 9, 10 અને 11 સપ્ટેમ્બરના લેવાશે.
