લખનૌઃ કનોજમાં ફરી એક વાર સમાજવાદી પાર્ટી (SP)ના નેતા પર સગીરથી રેપનો સામલો સામે આવ્યો છે. SPપ્રમુખ અને ભૂતપૂર્વ CM અખિલેશ યાદવની નજીકના નેતા નવાબ સિંહની પોલીસે ધરપકડ કરી છે.પીડિતા યુવતીને નોકરીને બહાને તેની ફોઈ સાથે SP નેતાએ બોલાવી હતી. એ દરમ્યાન SP નેતાએ સગીર યુવતીની સાથે બળાત્કાર કરવાના પ્રયાસ કર્યા હતા. પીડિતાએ કોઈ પ્રકારે જીવ બચાવીને પોલીસને ફોન કર્યો હતો. એ પછી પોલીસે ઘટનાસ્થળે પહોંચીને આરોપીની ધરપકડ કરી હતી.
કન્નોજ SP અમિતકુમારે જણાવ્યું હતું કે રાત્રે એક વાગ્યે આવેલા ફોનથી કેસ પોલીસની જાણમાં આવ્યો હતો, જે પછી પોલીસે ઘટનાસ્થળે પહોંચીને આરોપીની ધરપકડ કરી હતી. પોલીસે પોસ્કો એક્ટ હેઠળ આરોપીની ધરપકડ કરી છે.
कन्नौज में डिंपल यादव के प्रतिनिधि रहे और सपा से पूर्व ब्लॉक प्रमुख नवाब सिंह यादव नाबालिग बच्ची से रेप के आरोप में गिरफ्तार।सपा सरकार में नवाब कन्नौज में “मिनी सीएम” के नाम से जाना जाता था। अयोध्या में मोइद खान के बाद ये दूसरे सपा नेता की पॉक्सो एक्ट के अंतर्गत गिरफ़्तारी है।… pic.twitter.com/JeSG5SxiJY
— ANUPAM MISHRA (@scribe9104) August 12, 2024
તેમણે જણાવ્યું હતું કે પોલીસ ઘટનાસ્થળે પહોંચી તો આરોપી નવાબ સિંહ યાદવ વાંધાજનક સ્થિતિમાં હતો. યુવતીની ફરિયાદમાં સ્પષ્ટ લખેલું છે કે આરોપીએ તેને નોકરીનું વચન આપીને તેને બોલાવી હતી. તે તેની ફોઈ સાથે નવાબ સિંહના ઘરે પહોંચી હતી. જ્યાં તેની સાથે બળાત્કારના પ્રયાસ થયા હતા. આ યુવતીની વય માત્ર 15 વર્ષની છે.
આ પહેલાં અયોધ્યામાં પણ આવો એક કેસ સામે આવ્યો હતો, જેમાં SP નેતા અને ભદરસાનગર મોઇદ ખાન અને તેના નોકર રાજુ પર પીડિતા પર બળાત્કાર કરવાનો આરોપ લાગ્યો હતો અને પોલીસે તેમની ધરપકડ કરી હતી. જે પછી હવે સમાજવાદી પક્ષથી જોડાયેલા એક વધુ નેતાનું નામ રેપ કેસમાં સામે આવ્યું છે.
