અજમેરઃ ત્રણ દાયકા પહેલાં અજમેરમાં થયેલા ગેન્ગરેપ અને બ્લેકમેલ કેસના છ આરોપીઓને સ્પેશિયલ પોક્સો કોર્ટે દોષી ઠેરવ્યા છે. આ આરોપીઓને 100થી વધુ વિદ્યાર્થિઓનો ગેન્ગરેપ કર્યો હતો. તેમની વિરુદ્ધ કોર્ટ હવે સજાનું એલાન કરશે. આ ઘટના 1992માં થઈ હતી. એમાં કુલ 19 આરોપી હતા, જેમાં અત્યાર સુધી નવ આરોપીઓને સજા આપવામાં આવી છે.
મુખ્ય આરોપી ફારુક ચિશ્તી અજમેર યુવા કોંગ્રેસનો અધ્યક્ષ હતો. બીજો આરોપી નફીસ ચિશ્તી અજમેર ભારતીય રાષ્ટ્રીય કોંગ્રેસનો ઉપાધ્યક્ષ હતો અને ત્રીજો અન્વર ચિશ્તી અજમેર ભારતીય રાષ્ટ્રીય કોંગ્રેસનો સંયુક્ત સચિવ હતો. એક અન્ય આરોપીએ 1994માં આત્મહત્યા કરી લીધી હતી. આ સિવાય એક આરોપી હજી પણ ફરાર છે.
આ કેસમાં જે આરોપીઓને મંગળવારે કોર્ટે દોષી માન્યા હતા, તેમનાં નામ નફીસ ચિશ્તી, નસીમ ઉર્ફે ટાર્જન, સલીમ ચિશ્તી, સોહિલ ગણી, સૈયદ જમીર હુસૈન અને ઇકબાલ ભાટી છે. જે વિદ્યાર્થિનીઓની સાથે દુષ્કર્મ થયું હતું- એ બધી 11થી 20 વર્ષની વચ્ચેની હતી અને મોટા ભાગની હિન્દુ હતી. આ બધી વિદ્યાર્થિની અજમેરની એક જાણીતી સ્કૂલમાં હતી. આ ઘટનાનો ખુલાસો થવા પર દેશઆખામાં ભારે આક્રોશ હતો.
આ કેસમાં દુષ્કર્મના દોષીઓ મોટા ભાગના અન્ય ધર્મના લોકો હતા. આ કેસમાં દોષી ઠેરવવામાં આવેલા આઠ આરોપીઓને આજીવન કેદની સજા, જ્યાર્ ચારને 2001માં રાજસ્થાન હાઇકોર્ટે દોષી ઠેરવ્યા હતા, પરંતુ 2013માં હાઇકોર્ટે તેમને છોડી મૂક્યા હતા.
આ કેસમાં મોટા ભાગની પીડિત વિદ્યાર્થિનીઓનાં મોટાં ઘરોની હતી. આરોપીઓને તેમને ફોસલાવીને પહેલાં અપહરણ કરતા હતા. એ પછી તેમના નગ્ન ફોટા પાડીને તેમને બ્લેકમેલ કરતા અને ગેન્ગરેપ કરતા હતા. રાજસ્થાનના તત્કાલીન CM ભૈરોસિંહ શેખાવતે CBCIDને આ ઘટનાની તપાસના આદેશ આપ્યા હતા.
