ગેંગટોકઃ ભારતીય હવાઈ દળે સિક્કીમ રાજ્યમાં આવેલા પૂરને કારણે ફસાઈ ગયેલાં 176 નાગરિકોને બચાવી લીધાં છે. આમાં 16 વિદેશી નાગરિકનો પણ સમાવેશ થાય છે. હવાઈ દળે આ પૂરગ્રસ્ત રાજ્યમાં 9,400 કિલોગ્રામ રાહત સામગ્રીઓને ઉતારી છે.
(તસવીર સૌજન્યઃ @EAC_IAF)
અંતરિયાળ વિસ્તારોમાં ફસાઈ ગયેલા લોકોને ઉગારવા અને આવશ્યક ચીજવસ્તુઓના પેકેટ્સને ડ્રોપ કરવા જેવી રાહત કામગીરી હાથ ધરવા માટે હવાઈ દળે તેના Mi-17 V5, CH-47 ચિનૂક્સ અને ચીતાહ હેલિકોપ્ટરોને સેવામાં ઉતાર્યા છે. ભયાનક પૂરને કારણે સિક્કીમમાં અનેક રસ્તા, ફૂટઓવરબ્રિજ તથા અન્ય પાયાગત સુવિધાઓને વ્યાપક નુકસાન પહોંચ્યું છે. તેથી હવાઈ દળ મદદે આવ્યું છે.
