પેટીએમ કેવાયસી નામે સાવધાન! ઠગનો ભોગ ન બનતા

નવી દિલ્હી: શું તમે ડિજીટલ પેમેન્ટ માટે પેટીએમ નો ઉપયોગ કરી રહ્યા છો? તો કેવાયસી (નો યોર કસ્ટમર) કરાવી લેજો નહીંતર તમે છેતપિંડીનો શિકાર બની શકો છો. કેવાયસીના નામે ઠગ લોકો તમારી પાસેથી તમારા બેંક ખાતાની માહિતી માંગી શકે છે. છેલ્લા થોડા સમયમાં અનેક એવા મામલાઓ સામે આવ્યા છે જેમાં ઘરે બેઠા કેવાયસીની સુવિધાના નામે લોકો સાથે છેતરપિંડી થઈ છે. જેથી તમારે પેટીએમ કેવાયસી ના નામ પર આવતા ફ્રોડ કોલ અને મેસેજથી સાવધાન રહેવાની જરૂર છે.

આ રાખો સાવધાની

  • જો કોઈ તમને પેટીએમ કેવાયસી વેરિફિકેશન માટે ફોન કે મેસેજ કરે તો, તેના પર ભરોસો ન કરો.
  • કોઈ અજાણી વ્યક્તિના કહેવા પર કોઈ એપ્લિકેશન ડાઉનલોડ ન કરો. ઠગ લોકો આ એપ્લિકેશન મારફતે તમારો ડેટા ચોરી શકે છે.
  • હંમેશા યાદ રાખો કે, ફોન કે મેસેજ દ્વારા કોઈપણ વોલેટ કંપની કેવાયસી વેરિફિકેશન નથી કરતી.
  • કંપની તેના ગ્રાહકોનું કેવાયસી માત્ર કંપની દ્વારા નિયુક્ત કરેલા એજન્ટ દ્વારા જ કરે છે.

મહત્વનું છે કે, કંપનીના એજન્ટો ગ્રાહકોની સામે જ તેનું કેવાયસી કરે છે. જો કે, ગ્રાહકોને એપ્લિકેશન મારફતે મિનિમમ કેવાયસીની સુવિધા આપવામાં આવે છે. સાયબર ઠગ કેવાયસીના અપડેટ કરાવવાના નામે ગ્રાહકોને ચૂનો લગાવી રહ્યા છે. જેથી કેવાયસી માટે તમને ફોન કે મેસેજ આવે તો સાવધાન રહેજો.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]