યમુના-એક્સપ્રેસવે પર તેલ-ટેન્કર કાર સાથે અથડાઈઃ 7નાં મરણ

આગરાઃ યમુના એક્સપ્રેસ વે પર ગઈ કાલે રાતે એક ભીષણ અકસ્માત થયો હતો. એક કારની ઉપર એક ઓઈલ ટેન્કર પલટી ખાઈને પડતાં કારમાં પ્રવાસ કરી રહેલા સાત જણનાં કરૂણ મરણ નિપજ્યાં હતાં. એમાં બે મહિલાનો પણ સમાવેશ થાય છે.

નોએડાથી આગરા તરફ જતું ઓઈલ ટેન્કર ડિવાઈડર સાથે અથડાયું હતું અને ડિવાઈડરને તોડીને સામેની લેન પર જઈ પડ્યું હતું. એ જ વખતે આગરાથી નોએડા તરફ જતી કમનસીબ ઈનોવા કાર ટેન્કર અને ડિવાઈડર વચ્ચે આવી ગઈ હતી. ટેન્કર પલટી ખાઈને કારની ઉપર પડ્યું હતું. પરિણામે કારમાં પ્રવાસ કરી રહેલા તમામ સાત જણના મરણ નિપજ્યા હતા. મૃતકોમાં હરિયાણાના જિંદ શહેરના વતની પતિ-પત્ની, એમનાં બે સગીર વયનાં પુત્ર, એમના મોહલ્લામાં રહેતાં સંબંધી સગીર વયનાં ભાઈ-બહેન અને ડ્રાઈવરનો સમાવેશ થાય છે.

Image courtesy: Twitter, Wikimedia Commons

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]