કોંગ્રેસે કર્ણાટકમાં ડી.કે.શિવકુમારને સોંપી જવાબદારી

ભોપાલઃ કોંગ્રેસ પાર્ટીએ કર્ણાટકમાં પ્રદેશ અધ્યક્ષના નામની જાહેરાત કરી દીધી છે. આ જવાબદારી માટે પાર્ટીએ ડી.કે.શિવકુમાર પર ભરોસો મૂક્યો છે. સંકટમોચક કહેવાતા શિવકુમાર પ્રદેશ અધ્યક્ષ તરીકે દિનેશ ગુંડુરાવની જગ્યાની કમાન સંભાળશે. તો તેમની સાથે ઈશ્વર ખાંદ્રે, સતીશ જારકીહોલી અને સલીમ અહમદને કર્ણાટક પ્રદેશ કોંગ્રેસના કાર્યકારી અધ્યક્ષ પસંદ કરવામાં આવ્યા છે.

ઉલ્લેખનીય છે કે, આ પહેલા ડી.કે.શિવકુમાર 2009 માં કર્ણાટક કોંગ્રેસના કાર્યકારી અધ્યક્ષ નિયુક્ત કરવામાં આવ્યા હતા. માત્ર આટલું જ નહી તેઓ સિદ્ધારમૈયાની સરકારમાં ઉર્જા મંત્રી પણ રહેલા છે. જ્યારે એચ.ડી કુમારસ્વામીની સરકારમાં જળ સંસાધન મંત્રી પણ રહ્યા છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]