નવી દિલ્હીઃ વિશ્વમાં આગામી કેટલાક મહિનાઓ વ્યાજદરો અને મોંઘવારી ઊંચા સ્તરે બની રહેવાની અપેક્ષા છે. વધુ મોંઘવારીને મામલે ટોચના દેશોમાં ભારત ત્રીજા સ્થાને છે. રશિયા અને દક્ષિણ આફ્રિકા મોંઘવારીના મામલે વધુ પ્રભાવિત છે, એમ બેન્ક ઓફ બરોડાનો રિપોર્ટ કહે છે. રશિયામાં મોંઘવારીનો દર 7.5 ટકા અને દક્ષિણ આફ્રિકામાં 5.9 ટકા છે. ત્રીજા સ્થાને ભારતમાં નવેમ્બરમાં મોંઘવારીનો દર 5.6 ટકા છે. ઓસ્ટ્રેલિયામાં એ 5.4 ટકા, સિંગાપોરમાં 4.7 ટકા અને બ્રાઝિલમાં 4.7 ટકા છે.
ડેટા મુજબ સુગરની કિંમત નવેમ્બર, 2022ની તુલનાએ નવેમ્બર, 2023માં 41 ટકા વધી છે. એક વર્ષમાં ચોખાની કિંમતો 36 ટકા વધી છે.બીજી બાજુ, કેટલાય દેશોમાં ટેન્શનથી ક્રૂડ ઓઇલ, નેચરલ ગેસ અને કોલસાની કિંમતોમાં ભારે ઘટાડો નોંધાયો છે. એક વર્ષમાં બ્રેન્ટ ક્રૂડ 8.7 ટકા, કોલસા 62.9 ટકા અને નેચરલ ગેસ 55.4 ટકા સસ્તો થયો છે.
દેશમાં છેલ્લા કેટલાક મહિનાઓથી ઘટી રહેલી મોંઘવારીને વધારવામાં ખાદ્ય પદાર્થોએ મોટી ભૂમિકા ભજવી છે. નવેમ્બરમાં વધ્યા પછી ડિસેમ્બરમાં પરણ રિટેલ મોંઘવારી દરથી રાહત મળવાની અપેક્ષા નથી, એમ અહેવાલ કહે છે. દેશનો સૌથી તેજ GDP હાલ છે અને આગામી વર્ષે પણ એ ઝડપથી વધશે અને મોંઘવારી ચિંતાનો વિષય છે, પણ આગામી વર્ષે એમાં ઘટાડો થશે, એમ માસ્ટર ટ્રસ્ટના MD હરજિત સિંહ અરોરાએ જણાવ્યું હતું.
