સરકારે ઘટેલી ક્રૂડની કિંમતોનો લાભ પેટ્રોલ-ડીઝલમાં ના આપ્યો

નવી દિલ્હીઃ કેન્દ્ર સરકારે ક્રૂડ ઓઇલના આંતરરાષ્ટ્રીય ભાવમાં મોટા ઘટાડાનો લાભ સામાન્યજન સુધી નથી પહોંચતો કર્યો. ને બદલે સરકારે પેટ્રોલ અને ડીઝલ પરની એક્સાઇઝ ડ્યૂટી અને રોડ સેસમાં મળીને લિટરદીઠ કુલ રૂ. ત્રણ વધારીને સરકારની આવકમાં વધારો કરવાનો નિર્ણય લીધો હતો. કોરોના વાઇરસને કારણે અને સાઉદી અરેબિયા અને રશિયા વચ્ચે ચાલી રહેલા ક્રૂડ વોરને કારમે ક્રૂડ ઓઇલની કિંમતોમાં ભારે ઘટાડો નોંધાયો હતો. જેથી પેટ્રોલ-ડીઝલની કિંમતોની પડતર ઘણી ઓછી થઈ છે. જોકે સરકારે પહેલાંની જેમ ઘટતા આંતરરાષ્ટ્રીય ભાવનો લાભ ગ્રાહકોને નહીં આપવાનો નિર્ણય કર્યો હતો.

એ સત્તાવાર નોટિફિકેશન મુજબ પેટ્રોલ પર વિશેષ ઉત્પાદન શૂલ્ક પ્રતિ લિટર રૂ. બે વધારીને રૂ. 8 કરી દીધું અને ડીઝલ પર એ શૂલ્ક પ્રતિ લિટર રૂ. બેથી વધારીને રૂ. 4 કરી દીધું હતું. આ સિવાય પેટ્રોલ અને ડીઝલ પરના રોડ સેસમાં પ્રતિ લિટર રૂ.એક-એક વધારીને રૂ. 10 કરી દીધું હતું.

 

 

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]