અમરાવતીઃ આંધ્ર પ્રદેશ સરકાર હાલના બજેટ સત્રમાં એક પ્રસ્તાવ પસાર કરશે, જેમાં કેન્દ્રને રાષ્ટ્રીય જનસંખ્ચા (NPR) 2010ને જ રાખવા માટે વિનંતી કરવામાં આવશે. રાજ્યના મુખ્ય પ્રધાન વાયએસઆર જગન રેડ્ડીએ ટ્વીટ કરીને એનપીઆર મુદ્દે વાયએસઆર કોંગ્રેસનું વલણ સ્પષ્ટ કર્યું હતું. તેમણે ટ્વીટમાં કહ્યું હતું કે એનપીઆરમાં પ્રસ્તાવિત કેટલાક સવાલોને લઈને રાજ્યના અલ્પસંખ્યકોના મનમાં અસુરક્ષાના ભાવ ઉત્પન્ન થઈ રહ્યા છે. પાર્ટીની અંદર આ મુદ્દે વાતચીત કર્યા બાદ કેન્દ્ર સરકારથી 2010માં ચાલી રહેલી શરતોને પાછી લેવાનો અનુરોધ કર્યો હતો.
મુખ્ય પ્રધાન જગન રેડ્ડીએ ટ્વીટમાં લખ્યું હતું કે આ સંબંધમાં અમે હાલના સમયમાં જારી બજેટ સત્રમાં એક પ્રસ્તાવ પણ રજૂ કરીશું. જગન મોગન રેડ્ડીનું ટ્વીટ એ વખતે સામે આવ્યું, જ્યારે તેમની સરકારે હાલમાં જ એક આદેશમાં એનપીઆર પ્રક્રિયા માટે એડમિનિસ્ટ્રેશન મશીનરીને તૈયાર કરવા માટે આદેશ કર્યા હતા.
સામાન્ય વહીવટ ડિપાર્ટમેન્ટના સચિવ શશિભૂષણ કુમારે 22 જાન્યુઆરીએ જારી આદેશમાં કહ્યું હતું કે એનપીઆર પ્રક્રિયા સંબંધમાં વિવિધ આશંકાઓને જોતાં બધા જિલ્લા કલેક્ટરો અને મુખ્ય જનગણના અધિકારીઓને વારંવાર પૂછવામાં આવતા પ્રશ્નના રૂપમાં સ્પષ્ટીકરણ જારી કરવામાં આવ્યા છે. તેમણે કહ્યું હતું કે એનપીઆર પ્રક્રિયા દરમ્યાન કોઈ પણ દસ્તાવેજ જમા કરવાની જરૂર નથી.
