કોલકાતાઃ લોકસભા ચૂંટણીમાં મતદાન દરમ્યાન પશ્ચિમ બંગાળમાં મમતા સરકારને એક આંચકો લાગ્યો છે. કોલકાતા હાઇકોર્ટે 2010 પછી જારી કરવામાં આવેલાં બધાં OBC સર્ટિફિકેટને રદ કરવાનો આદેશ આપ્યો છે. એ સર્ટિફિકેટને બતાવીને હવે કોઈ પણ વ્યક્તિ નોકરી ના મેળવી શકે. એ આદેશો એ વ્યક્તિઓ પર લાગુ ના થઈ શકે, જેમને પહેલાંથી નોકરી મળી ચૂકી છે.
કોલકાતા હાઇકોર્ટના જસ્ટિસ તપોબ્રત ચક્રવર્તી અને રાજશેખર મંથરની ખંડપીઠે કહ્યું હતું કે 2011થી વહીવટી તંત્રએ વિના કોઈ નિયમનું પાલન કર્યા વગર OBC સર્ટિફિકેટ જારી કરી દીધા હતા. આ પ્રકારે OBC સર્ટિફિકેટ દેવાં ગેરબંધારણીય છે. એટલા માટે આ બધાં સર્ટિફિકેટને રદ કરી દેવામાં આવ્યાં છે. એ સર્ટિફિકેટ હવે નોકરીમાં લાભ લેવા માટે કાયદેસર નહીં રહે.
કોર્ટે કહ્યું હતું કે આ દરમ્યાન જારી સર્ટિફિકેટ દ્વારા નોકરી મેળવેલાની નોકરી પર કોઈ સંકટ નહીં રહે અને એ પહેલાંની જેમ યથાવત્ રહેશે.
2012માં TMC સરકારે એક કાયદો લઈને આવી હતી. એને કોર્ટમાં પડકારવામાં આવ્યો હતો. કોર્ટે એ પણ કહ્યું હતું કે રાજ્ય સરકારને OBCની લિસ્ટ બનાવવા માટે 1993ના કાયદા મુજબ પંચની ભલામણ વિધાનસભાને સોંપવાનું રહેશે. ખંડપીઠે કહ્યું હતું કે તો પછી OBC કોને માનવામાં આવશે, એનો નિર્ણય વિધાનસભા કરશે. વેસોય બંગાળ પછાત વર્ગ કલ્યાણએ એની યાદી તૈયાર કરવાની રહેશે. રાજ્ય સરકાર એ લિસ્ટને વિધાનસભામાં રજૂ કરશે, જેનું નામ એ લિસ્ટમાં હશે, તેમને OBC માનવામાં આવશે.
સત્તામાં આવ્યા પછી મુખ્ય મંત્રી મમતા બેનરજીએ વારંવાર દાવો કર્યો છે કે તેમણે લગભગ બધા મુસલમાનોને OBC હેઠળ લાવી દીધા છે. હાઇકોર્ટે આજે સ્પષ્ટ કરી દીધું છે કે જે પ્રકારે મમતા સરકારે 2011માં OBC સર્ટિફિકેટ જારી કર્યાં હતાં, એ ગેરકાયદે હતા.
