નાણાપ્રધાનની IT, GST રિટર્ન્સ અને ATMને લઈને અનેક મહત્ત્વની જાહેરાતો

નવી દિલ્હીઃ નાણાપ્રધાન નિર્મલા સીતારામને વિડિયો કોન્ફરન્સ દ્વારા પત્રકાર પરિષદ કરી હતી. તેમણે કહ્યું હતું કે  દેશ કોરોના વાઇરસને લઈને સંક્રમણ કાળમાંથી પસાર થઈ રહ્યો છે. તેમણે કોરોનાને ધ્યાનમાં રાખીને લોકોને બેન્કમાં રોકડ ઉપાડવા પર કોઈ પણ બેન્કના ATMનો ઉપયોગ કરવાની છૂટ આપી હતી. તેમણે કહ્યું હતું કે દેશનાં અનેક રાજ્યોમાં લોકડાઉન અને કરફ્યુને લગાડવામાં આવ્યો છે. જેથી દેશમાં કામકાજ ઠપ છે. જેથી તેમણે IT,GST રિટર્ન્સ, TDS અને IBCને લગતી અનેક જાહેરાત કરતી હતી. આ ઉપરાંત તેમણે કહ્યું હતું કે આર્થિક પેકેજ માટે પણ ગંભીરતાથી વિચાર થઈ રહ્યો છે અને એ પણ ટૂંક સમયમાં જાહેર કરવામાં આવશે. તેમણે કહ્યું હતું કે સેબી પણ શેરબજાર માટે પણ કામ કરી રહી છે અને અમે પણ દરેક પરિસ્થિત નજીકથી નિહાળી રહ્યા છીએ.