બીજિંગઃ ચીની સેનામાં ભારે બળવોનો થયો છે. જેને કારણે રાષ્ટ્રપતિ શી જિનપિંગે હવે નૌસેનાના ચીફ ઓફ સ્ટાફ સહિત તેમના એક ટોચના ન્યુક્લિયર સાયન્ટિસ્ટને પદ પરથી હટાવી દીધા છે. આ પગલાથી પીપલ્સ લિબરેશન આર્મી (PLA)ના અન્ય અધિકારીઓમાં પણ હલચલ મચી છે. ચીનમાં છેલ્લા ઘણા મહિનાઓથી ટોચના સેના અધિકારીઓને હટાવવાનું સિલસિલો ચાલી રહ્યો છે. શી જિનપિંગે અગાઉ પણ ઘણા ટોચના સૈન્ય અધિકારીઓને ભ્રષ્ટાચાર, અવિશ્વાસનીય વર્તન અને ખોટા આચરણના આક્ષેપોને કારણે દૂર કર્યા હતા.
રાષ્ટ્રપતિ જિનપિંગે ચીની નૌસેનાના ચીફ ઓફ સ્ટાફ અને એક વરિષ્ઠ ન્યુક્લિયર વૈજ્ઞાનિકને દેશની ટોચની વિધાનસભા -નેશનલ પીપલ્સ કોંગ્રેસ (NPC)માંથી દૂર કર્યા છે. આ પગલાં PLA અને ચીનના સંરક્ષણ ઉદ્યોગમાં ચાલી રહેલા વિશાળ શિસ્તભંગ વિરોધી અભિયાનનો ભાગ ગણાય છે.NPCની સ્થાયી સમિતિએ જણાવ્યું હતું કે નેવી સર્વિસમેન કોંગ્રેસે લી હાનજૂનને 14મી રાષ્ટ્રીય જન કોંગ્રેસના પ્રતિનિધિપદ પરથી હટાવી દીધા છે તેમ જ ગાંસૂ પ્રાંતની પીપલ્સ કોંગ્રેસે લિયુ શિપેંગને NPCના ઉપપ્રતિનિધિપદ પરથી દૂર કર્યા છે.
NPCની સભ્યપદમાંથી કાઢી નાખવાનો અર્થ છે કે હવે લી અને લિયુ સામે ગંભીર શિસ્તભંગની કાર્યવાહી થઈ શકે છે. ચીન સામાન્ય રીતે તેના સૈન્યમાં ચાલી રહેલી આંતરિક કાર્યવાહી અંગે જાહેરમાં વધુ માહિતી આપતું નથી, પરંતુ NPCની જાહેરાતો આવાં પગલાં માટે સંકેતરૂપ ગણાય છે.
