મુંબઈ, નવી મુંબઈમાં દિલ્હી કરતાંય ખરાબ પ્રદૂષણ

મુંબઈઃ શહેરમાં હાલ શિયાળાની મોસમ પરાકાષ્ઠાએ પહોંચી છે. ગાત્રો થિજાવતી ઠંડી પડી રહી છે. ગયા રવિવારનો દિવસ ન્યૂનતમ 13.8 ડિગ્રી સેલ્સિયસ તાપમાન સાથે મોસમનો સૌથી ઠંડો રહ્યો હતો. ઉષ્ણતામાનનો પારો વધુ નીચે જવાની સાથે મુંબઈમાં હવાની ગુણવત્તા બગડે છે. ગઈ કાલે સોમવારે શહેરમાં હવાના પ્રદૂષણનું જે સ્તર હતું એ દિલ્હીના સ્તર કરતાં પણ વધારે ખરાબ હતું. ગાઢ ધુમ્મસને કારણે દ્રષ્ટિગોચરતા ખૂબ ઓછી થઈ ગઈ હતી. આજે સવારે તો શહેરનો એર ક્વાલિટી ઈન્ડેક્સ (AQI) 306 નોંધાયો હતો, જે ‘અત્યંત ખરાબ’ કહેવાય. 0-100નો AQI હોય તો હવાની ગુણવત્તા સારી કહેવાય, 100-200 હોય તો મધ્યમ કહેવાય, 200-300 હોય તો ખરાબ કહેવાય, 300-400 હોય તો અત્યંત ખરાબ કહેવાય અને 400-500 કે તેનાથી વધારે હોય તો ગંભીર કહેવાય.

મુંબઈના જુદા જુદા વિસ્તારોનો AQI:

કોલાબા – 276 AQI ખરાબ

મઝગાંવ – 341 AQI અત્યંત ખરાબ

વરલી – 166 AQI મધ્યમ

સાયન – 259 AQI ખરાબ

થાણે – 189 AQI મધ્યમ

નવી મુંબઈ – 352 AQI અત્યંત ખરાબ

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]