મહારાષ્ટ્રનો-વિક્રમઃ કોરોના-રસીના બંને ડોઝ લેનારાઓની સંખ્યા 1-કરોડ

મુંબઈઃ કોરોનાવાઈરસ મહાબીમારી સામે મહારાષ્ટ્ર રાજ્યએ આદરેલા જોરદાર જંગમાં એક કરોડથી વધારે લોકોને કોરોના-પ્રતિરોધક રસીના બંને ડોઝ આપવામાં આવી ચૂક્યા છે. આ સિદ્ધિ હાંસલ કરનાર મહારાષ્ટ્ર દેશનું પ્રથમ રાજ્ય બન્યું છે.

એક કરોડથી વધારે નાગરિકોને કોરોના રસીના બંને ડોઝ આપીને એમને રોગચાળા સામે સુરક્ષિત કરવા બદલ રાજ્યના મુખ્ય પ્રધાન ઉદ્ધવ ઠાકરે અને આરોગ્ય પ્રધાન રાજેશ ટોપેએ આરોગ્ય વિભાગની પ્રશંસા કરી છે અને એના અધિકારીઓ તથા તમામ કર્મચારીઓને અભિનંદન આપ્યા છે. આજે સાંજે ચાર વાગ્યા સુધીમાં આખા દિવસમાં મહારાષ્ટ્ર રાજ્યમાં વધુ પોણા ચાર લાખ લોકોને રસી અપાયા બાદ બંને ડોઝ લેનાર નાગરિકોની સંખ્યા 1 કરોડ 64 હજાર 308 પર પહોંચી હતી. રાજ્યમાં 4,13,19,131 નાગરિકોએ કોરોનાની રસીનો પહેલો ડોઝ લઈ લીધો છે. આ જાણકારી આરોગ્ય વિભાગના મુખ્ય સચિવ ડો. પ્રદીપ વ્યાસે આપી હતી.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]