માર્ચમાં વહેલાસર આયોજન કરજો; બેન્કો સતત 6 દિવસ બંધ રહેવાની છે

મુંબઈ: દેશભરમાં રાષ્ટ્રીય બેન્કોના કર્મચારીઓ પગાર વધારા સહિતની માગણીઓના ટેકામાં આવતા મહિને સતત 3 દિવસ હડતાળ પાડવાના છે. તે ઉપરાંત ધૂળેટી તહેવારની રજા અને મહિનાના બીજા શનિવાર, રવિવારની રજા પણ હશે. એની પહેલાં, 8 માર્ચે રવિવાર હશે એટલે બેન્કો કુલ 7 દિવસ બંધ રહેશે. છેક 16 માર્ચે ખુલશે. 9 માર્ચે એક દિવસ માટે બેન્કો ખુલ્લી રહેશે, પણ એ દિવસે બેન્કોમાં ખૂબ ગિરદી રહેશે અથવા સર્વર પર બોજો આવી પડશે એટલે કામ લટકી જાય એવી સંભાવના પણ રહેશે.

તેથી હોળીના તહેવાર પહેલા જ તમારું બેન્કને લગતું કામકાજ, સોદા પતાવી લેજો, નહીં તો તકલીફનો સામનો કરવો પડશે.

બેન્ક કર્મચારીઓને એમના પગારમાં 20 ટકા રકમનો વધારો જોઈએ છે.

તે ઉપરાંત કામકાજ માટે પાંચ-દિવસનું અઠવાડિયું કરવા, પેન્શન પદ્ધતિને અપડેટ કરવા તથા ફેમિલી પેન્શન  નિયમોમાં સુધારા કરવામાં આવે એવી પણ તેમની માગણી છે.

ઉલ્લેખનીય છે કે બેન્ક કર્મચારીઓએ ગઈ 8-9 જાન્યુઆરીએ તેમજ ત્યારબાદ 31 જાન્યુઆરી અને 1 ફેબ્રુઆરી, એમ બે દિવસ માટે આ જ મુદ્દાઓ ઉપર પણ હડતાળ પાડી હતી.

માર્ચમાં બેન્કો આ દિવસોએ બંધ રહેશેઃ

08- રવિવારની રજા

10- ધૂળેટીની રજા

11- બેન્ક કર્મીઓની હડતાળ

12- બેન્ક કર્મીઓની હડતાળ

13- બેન્ક કર્મીઓની હડતાળ

14- બીજા શનિવારની રજા

15- રવિવારની રજા

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]