મુંબઈઃ અમિતાભ બચ્ચનને બોલિવુડના શહેનશાહ તરીકે ઓળખવામાં આવે છે અને તેમને કારોનો બહુ શોખ છે. આમ તો તેમના ગેરેજમાં કેટલીય કારો છે, પણ હાલમાં અમિતાભ બચ્ચને એક નવી કાર પોતાના કારોના કાફલામાં સામેલ કરી છે. બોલિવુડના શહેનશાહે એક મર્સિડીઝ-બેન્ઝ S Class ખરીદી છે. આ કાર હાલમાં જ ભારતમાં લોન્ચ થઈ છે. 
અમિતાભની નવી મર્સિડિઝ બેન્ઝ S Class સફેદ કલરની અને તે 35Od વેરિયન્ટની છે. આ લક્ઝુરિયસ કારની કિંમત 1.38 કરોડ રૂપિયા છે.
આ કારના ફીચર્સ ઘણાં આકર્ષક
મર્સિડિઝ બેન્ઝ S Class 35Odમાં 3.0 લિટર, ઇનલાઇન ત્ર સિલિન્ડર ડીઝલ એન્જિન આપવામાં આવ્યું છે. એ એન્જિન 282 bhpની પાવર અને 600 Nm ટોર્ક જનરેટ કરે છે. એન્જિન 9ની સ્પીડ ઓટોમેટિક ટ્રાન્સમિશનથી લેસ છે. કંપનીનો દાવો છે કે આ કાર માત્ર છ સેકન્ડમાં 0-100 કિલોમીટર પ્રતિ કલાકની સ્પીડમાં સક્ષમ છે. નવી S ક્લાસને V6 પેટ્રોલ એન્જિનમાં પણ રજૂ કરી છે. જે 362 bhpની પાવર અને 500 Nm ટોર્ક જનરેટ કરે છે. એની ટોપની સ્પીડ 250 કિલોમીટર પ્રતિ કલાક છે.
એન્જિન અને પાવરની વાત કરીએ તો મર્સિડિઝ બેન્ઝ S Classમાં 2925 ccનું ડીઝલ એન્જિન આપવામાં આવ્યું છે. જે 3400થી 4600 rpm પર 281.61 bhpની મહત્તમ પાવરની સાથે 1200થી 3200 rpm પર 600 NMની પિક ટોર્ક જનરેટ કરે છે. મર્સિડિઝ S Class દાયકાઓથી લક્ઝરી સેડાન કારમાં ગોલ્ડ સ્ટાન્ડર્ડ રહી છે અને કાર મેન્યુફેક્ચરર્સ હવે સત્તાવાર રીતે 2021 S-ક્લાસ (2021 S-ક્લાસ) કારને રજૂ કરવાના છે.
બચ્ચનનું કાર ક્લેક્શન
અમિતાભ બચ્ચન કારોના શોખીન વ્યક્તિ છે અને આ નવી મર્સિડિઝ બેન્ઝ S Class હવે તેમના કલેક્શનનો હિસ્સો બની ગઈ છે. બચ્ચનની પાસે કેટલીય લક્ઝુરિયસ કારો છે, જેમાં રોલ્સ રોયસ ફેન્ટમ, બેન્ટલે કોન્ટિનેન્ટલ GT, મર્સિડિઝ બેન્ઝ SL500, રેન્જ રોવર વોગ, પોર્શ સેન્ડ ક્રૂઝર, હવે નવી મર્સિડિઝ S Class છે. હજી ગયા વર્ષે અમિતાભ બચ્ચને પોતાના ગેરેજમાં એક અન્ય મર્સિડિઝ બેન્ઝ V ક્લાસને સામેલ કરી છે. એ હાલમાં દેશમાં સૌથી લક્ઝરી MPVમાંની એક છે અને કંપની એ કારને 71.10 લાખ રૂપિયામાં (એક્સ-શો રૂમ-ઇન્ડિયા)ની કિંમતે વેચી રહી છે.
