બસપા સુપ્રીમોએ સાંસદ દાનિશ અલી વિરુદ્ધ કાર્યવાહી કરી અને તેમને પાર્ટીમાંથી હાંકી કાઢ્યા. બસપા દ્વારા જાહેર કરવામાં આવેલા નિવેદનમાં તેમણે કહ્યું કે, તેમને ઘણી વખત મૌખિક રીતે કહેવામાં આવ્યું હતું કે પાર્ટીની નીતિઓ, વિચારધારા અને અનુશાસન વિરુદ્ધ કોઈ નિવેદન ન આપો. પરંતુ તેમ છતાં તેઓ સતત પાર્ટી વિરુદ્ધ આવી વાતો કરી રહ્યા છે.
Bahujan Samaj Party (BSP) suspends MP Danish Ali for indulging in ‘anti-party’ activities. pic.twitter.com/shsuOOUUU4
— Press Trust of India (@PTI_News) December 9, 2023
નિવેદનમાં વધુમાં કહેવામાં આવ્યું છે કે, વર્ષ 2018માં દાનિશ અલી કર્ણાટકના પૂર્વ મુખ્યમંત્રી એચડી દેવગૌડાની જનતા પાર્ટીના સભ્ય તરીકે કામ કરી રહ્યા હતા. 2018ની કર્ણાટક સામાન્ય ચૂંટણીમાં બહુજન સમાજ પાર્ટી અને જનતા પાર્ટીએ ગઠબંધન કરીને ચૂંટણી લડી હતી. આ ચૂંટણીમાં દેવેગૌડાની પાર્ટી વતી દાનિશ અલી ખૂબ જ સક્રિય હતા. તે સમયે કર્ણાટક ચૂંટણીના પરિણામો પછી એચડી દેવગૌડાની વિનંતી પર દાનિશ અલીને અમરોહાથી બીએસપીના ઉમેદવાર બનાવવામાં આવ્યા હતા.
