મુંબઈ:’કૌન બનેગા કરોડપતિ’ની 16મી સીઝન ચાલી રહી છે. આ શોમાં એક પછી એક સ્પર્ધક મોટી રકમ જીતી રહ્યા છે. શોમાં ઘણી વખત સ્ટાર્સ અમિતાભ બચ્ચનની સામે હોટસીટ પર બેઠેલા જોવા મળે છે. આગામી એપિસોડમાં પણ એક સ્ટાર જોવા મળશે. આજે એટલે કે શુક્રવારે શોમાં પારિવારિક વાતાવરણ જોવા મળશે, જેમાં બચ્ચન પરિવારની વાર્તાઓ પરથી પડદો હટાવવામાં આવશે અને આ ખુલાસા કરવા માટે અમિતાભ બચ્ચનનો લાડકો પુત્ર અને અભિનેતા અભિષેક બચ્ચન શોમાં આવી રહ્યા છે. અભિષેક બચ્ચન ખાસ મહેમાન તરીકે તેમની નવી ફિલ્મ ‘આઈ વોન્ટ ટુ ટોક’નું પ્રમોશન કરવા પહોંચી ગયા છે. હાલમાં જ આનો એક પ્રોમો વિડિયો રિલીઝ થયો છે જેમાં અમિતાભ પોતાના નિર્ણય પર પસ્તાવો કરતા જોવા મળી રહ્યા છે.
સોની એન્ટરટેઇનમેન્ટ ટેલિવિઝને ઇન્સ્ટાગ્રામ હેન્ડલ પર પ્રોમો વીડિયો શેર કર્યો છે. તેની શરૂઆત અભિષેક તેના પિતાની સામે હોટ સીટ પર બેસીને થાય છે. આ સમય દરમિયાન અભિષેક બચ્ચન તેના પિતા અમિતાભની ખૂબ નકલ કરે છે. હકીકતમાં, જ્યારે પણ કોઈ સ્પર્ધક ટોપ મની એટલે કે રૂ. 7 કરોડ જીતે છે, ત્યારે અમિતાભ બચ્ચન તેને ખુશ કરવા રૂ. 7 કરોડની બૂમો પાડે છે. અભિષેક બચ્ચન પણ પોતાની સ્ટાઈલમાં આવું જ કરતા જોવા મળ્યા હતા. આ દરમિયાન અભિષેક બચ્ચન કહે છે, ‘ભોપુ જી ના બજે ઔર હમ જીતે સાત કરોડ રૂપયે.’ તે આ વાત અમિતાભની ખાસ શૈલીમાં કહે છે, જેને સાંભળીને પીઢ અભિનેતા હસી પડે છે.
View this post on Instagram
આ વાત આટલે ન અટકતા અભિષેક બચ્ચન આગળ કહે છે, ‘અમારા ઘરમાં આખો પરિવાર સાથે બેસીને ભોજન કરે છે અને આ દરમિયાન જો કોઈ પ્રશ્ન પૂછે છે તો અમે બધા મળીને જોરથી કહીએ કે ‘7 કરોડ’. અભિનેતા આગળ કહે છે કે જ્યાં સુધી અમે સાત કરોડ રૂપિયા જીતીએ ત્યાં સુધી…હજી આ વાતચીત પૂર્ણ નથી થતી ત્યાં અમિતાભ બચ્ચન કહે છે કે,’મેં તેમને અહીં બોલાવીને મોટી ભૂલ કરી છે.’ આ સાંભળીને અભિષેક ફરી એકવાર 7 કરોડની બૂમો પાડે છે. અમિતાભ સાથે બેઠેલા ઓડિયન્સ પણ હસે છે. પ્રોમોમાં અભિષેકની સાથે ‘આઈ વોન્ટ ટુ ટોક’ના ડાયરેક્ટર શૂજિત સરકાર પણ જોવા મળે છે.
ફિલ્મ સંબંધિત માહિતી
તમને જણાવી દઈએ કે, શૂજીત પહેલીવાર અભિષેક સાથે કામ કરી રહ્યા છે, પરંતુ તેણે અમિતાભ બચ્ચન સાથે ચાર વખત કામ કર્યું છે. બંનેએ ‘શોબિતે’, ‘પીકુ’, ‘પિંક’ અને ‘ગુલાબો સિતાબો’માં સાથે કામ કર્યું છે. હવે તે અભિષેક બચ્ચન સાથે એક ફિલ્મ લાવી રહ્યા છે, જેનું નામ છે ‘આઈ વોન્ટ ટુ ટોક’. તેમાં જોની લીવર અને અહિલ્યા બમરુ પણ છે. રાઇઝિંગ સન ફિલ્મ્સ અને કિનો વર્ક્સ દ્વારા નિર્મિત આ ફિલ્મ એક ગંભીર બીમારી સામે લડી રહેલા એક વ્યક્તિની વાર્તા કહે છે જેને એક પુત્રી છે અને તે તેની સાથે સારા સંબંધ સ્થાપિત કરવાનો પ્રયાસ કરી રહ્યો છે. અભિષેક આ બીમાર વ્યક્તિના રોલમાં છે. તે સિંગલ ફાધરનો રોલ કરી રહ્યા છે.
