મુંબઈઃ જિયો ફાઇનાન્સિયલ સર્વિસિઝ લિમિટેડ (JFSL) [BSE, NSE: JIOFIN] અને બ્લેકરોક [NYSE: BLK] વચ્ચેના 50:50ના સંયુક્ત સાહસ જિયો બ્લેકરોક એસેટ મેનેજમેન્ટ પ્રાઇવેટ લિમિટેડ (જિયો બ્લેકરોક એસેટ મેનેજમેન્ટ)ને ભારતમાં તેમના મ્યુચ્યુઅલ ફંડ બિઝનેસ માટે ઇન્વેસ્ટમેન્ટ મેનેજર તરીકે કામગીરી શરૂ કરવા માટે સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (સેબી) તરફથી નિયમનકારી મંજૂરી મળી ગઈ છે.
જિયો બ્લેકરોક એસેટ મેનેજમેન્ટ ભારતીય રિટેલ મ્યુચ્યુઅલ ફંડ રોકાણકારો તેમ જ ભારતના સંસ્થાકીય રોકાણકારોની વધતી જતી સંખ્યા માટે રોકાણની નવીન તકો લાવશે. આ એસેટ મેનેજમેન્ટ કંપની તેના બે પ્રાયોજકોની અનન્ય શક્તિઓનો લાભ લેવાનો પ્રયાસ કરશે. JFSLની ડિજિટલ પહોંચ અને સ્થાનિક બજારની તેની ઊંડી સમજ, બ્લેકરોકની વૈશ્વિક રોકાણ કુશળતા તથા અગ્રણી રિસ્ક મેનેજમેન્ટ ટેક્નોલોજીનો તેમાં સમાવેશ થાય છે.
તમામ રોકાણકારો માટે જિયો બ્લેકરોક એસેટ મેનેજમેન્ટના ઓફરિંગના મુખ્ય તફાવતોમાં સ્પર્ધાત્મક અને પારદર્શક કિંમતો તથા નવીન ઉત્પાદનોનો સમાવેશ થશે, જેને બ્લેકરોકની પ્રખ્યાત રિસ્ક મેનેજમેન્ટ એક્સપર્ટાઇઝના ઉપયોગનો લાભ મળશે.તેમાં અલાદ્દીનનો સમાવેશ થાય છે, આ એક વૈશ્વિક સ્તરે પ્રખ્યાત પોતાની માલિકીનું ટેક્નોલોજી પ્લેટફોર્મ છે, જે એક કોમન ડેટા લેંગ્વેજ દ્વારા ઇન્વેસ્ટમેન્ટ મેનેજમેન્ટની પ્રક્રિયાને એકીકૃત કરે છે. રિટેલ રોકાણકારો માટે આ પ્લેટફોર્મ તેના ડિજિટલ-ફર્સ્ટ કસ્ટમર પ્રપોઝિશન તરીકે પણ વિશિષ્ટ હશે. જિયોબ્લેકરોક એસેટ મેનેજમેન્ટ આગામી મહિનાઓમાં વિવિધ પ્રકારનાં રોકાણ ઉત્પાદનો શરૂ કરવાનો ઉદ્દેશ ધરાવે છે, જેમાં ડેટા-ડ્રિવનઇન્વેસ્ટેમેન્ટમાં બ્લેકરોકની ઇન્ડસ્ટ્રી-લીડિંગ ક્ષમતાઓનો ઉપયોગ કરતી પ્રોડક્ટ્સનો સમાવેશ થાય છે.
JFSLનાં નોન-એક્ઝિક્યુટિવ ડિરેક્ટર ઈશા અંબાણીએ જણાવ્યું હતું કે ભારતનો ઝડપી વિકાસ નીડર આકાંક્ષાઓ સાથેની નવી પેઢી દ્વારા પ્રેરિત છે. બ્લેકરોક સાથેની અમારી ભાગીદારી ગ્લોબલ ઇન્વેસ્ટમેન્ટ એક્સપર્ટાઇઝ અને જિયોના ડિજિટલ-ફર્સ્ટ ઇનોવેશનનું શક્તિશાળી સંયોજન છે. અમે સાથે મળીને દરેક ભારતીય માટે રોકાણને સરળ, સુલભ અને સમાવિષ્ટ બનાવવા માટે પ્રતિબદ્ધ છીએ. મને વિશ્વાસ છે કે જિયોબ્લેકરોક એસેટ મેનેજમેન્ટ ભારતમાં નાણાકીય સશક્તીકરણના ભવિષ્યને આકાર આપવામાં પરિવર્તનકારી ભૂમિકા ભજવશે.
બ્લેકરોકના હેડ ઓફ ઇન્ટરનેશનલ રચેલ લોર્ડે જણાવ્યું હતું કે આજે ભારતમાં એસેટ મેનેજમેન્ટમાં તકો ખૂબ જ રોમાંચક છે. જિયો બ્લેકરોકની ડિજિટલ-ફર્સ્ટ કસ્ટમર પ્રપોઝિશન રોકાણકારોને સીધા ઓછા ખર્ચે સંસ્થાકીય ગુણવત્તાયુક્ત ઉત્પાદનો પહોંચાડશે, જે ભારતમાં વધુ લોકોને મૂડીબજારોમાં પ્રવેશના ઘણા લાભોનો આનંદ માણવા સક્ષમ બનાવશે. અમારા ભાગીદાર JFSL સાથે મળીને અમે આ દેશની બચતકર્તાઓના રાષ્ટ્રથી રોકાણકારોના રાષ્ટ્રમાં પરિવર્તિત થવાની નિરંતર ચાલતી પ્રક્રિયામાં યોગદાન આપવા આતુર છીએ.
સીદ સ્વામિનાથન MD અને CEO
જિયો બ્લેકરોક એસેટ મેનેજમેન્ટ સીદ સ્વામિનાથનને તેના મેનેજિંગ ડિરેક્ટર અને ચીફ એક્ઝિક્યુટિવ ઓફિસર (CEO) તરીકે નિયુક્ત કરવાની જાહેરાત કરતાં ખુશ છે.
સિદ સ્વામિનાથન પાસે 20 વર્ષથી વધુનો એસેટ મેનેજમેન્ટનો અનુભવ છે. તેઓ અગાઉ બ્લેકરોકમાં ઇન્ટરનેશનલ ઇન્ડેક્સ ઇક્વિટીના વડા હતા, જ્યાં તેઓ $ 1.25 ટ્રિલિયનની AUM સંભાળતા હતા. તે પહેલાં તેમણે બ્લેકરોકમાં યુરોપ માટે ફિક્સ્ડ ઇન્કમ પોર્ટફોલિયો મેનેજમેન્ટના વડા તરીકે સેવા આપી હતી, જે સિસ્ટમેટિક અને ઇન્ડેક્સ્ડ સ્ટ્રેટેજિસ સંભાળતા હતા.
