અમેરિકા: ટેક્નોલોજી જગતની દિગ્ગજ કંપની ‘એનવીડિયા’ (Nvidia) ના સંસ્થાપક અને સીઈઓ જેનસન હુઆંગના અચાનક રાજીનામા અને કૌભાંડ બાદ કંપનીમાં સત્તાના સમીકરણો બદલાયા છે. આ વચ્ચે જેનસન હુઆંગની પુત્રી અને ફિઝિકલ એઆઈ પ્રોડક્ટ માર્કેટિંગના સિનિયર ડિરેક્ટર મેડિસન હુઆંગનો કંપનીમાં વધતો પ્રભાવ અને ઉત્તરાધિકારી (Succession) અંગેની ચર્ચાઓ જોરશોરથી ચાલી રહી છે.
અહેવાલો અનુસાર, જેનસન હુઆંગના વિદાય લીધા બાદ કંપનીની આંતરિક વ્યવસ્થા અને ભવિષ્યના નેતૃત્વને લઈને સવાલો ઉભા થયા છે. મેડિસન હુઆંગ છેલ્લા કેટલાંક વર્ષોથી કંપનીમાં મોટો પ્રભાવ ધરાવે છે અને તેઓ બ્રાન્ડ તથા રણનીતિ નક્કી કરવામાં મહત્વની ભૂમિકા ભજવે છે. જોકે, તેમની કામ કરવાની કડક શૈલી અને આક્રમક સ્વભાવને કારણે કેટલાક વરિષ્ઠ અધિકારીઓ સાથેના મતભેદો પણ ચર્ચામાં રહ્યા છે.
સંસ્થાપક પિતાના પદ છોડ્યા બાદ અને વચગાળાના સીઈઓ તરીકે કોલેટ ક્રેસની નિમણૂક થયા પછી, હવે ટેક વર્તુળોમાં એ વાતની ચર્ચા છે કે શું મેડિસન હુઆંગ ભવિષ્યમાં એનવીડિયાની કમાન સંભાળશે કે કેમ? કંપની સામે હાલમાં ઉત્તરાધિકારીની સ્પષ્ટ યોજનાના અભાવે એક મોટો વહીવટી અને શાસકીય પડકાર ઉભો થયો છે.






