કોરોના સામે લડવા ટ્રમ્પનું $ 2.2 ટ્રિલિયનનું રેસ્ક્યુ પેકેજ

નવી દિલ્હીઃ અમેરિકાના રાષ્ટ્રપતિ ડોનાલ્ડ ટ્રમ્પે કોરોના વાઇરસથી મંદીગ્રસ્ત અર્થંતંત્ર માટે 2000 અબજ ડોલરના આર્થિક પેકેજની ઘોષણા કરી હતી. ટ્રમ્પે વાઇટ હાઉસમાં પત્રકારો સાથે વાત કરતાં કહ્યું હતું કે હાઉસે આ આર્થિક પેકેજને તત્કાળ મંજૂર કર્યું હતું. ટ્રમ્પે અમેરિકનોના જીવને બચાવવા માટે અને અર્થતંત્રને ઉગારવા માટે આ રાહત પેકેજ આપ્યું હતું. અમેરિકાના કોંગ્રેસ હાઉસમાં બંને પક્ષના સભ્યોની બહુમતીથી આ આર્થિક પેકેજ મંજૂર કર્યું હતું.

અમેરિકા કોરોનાને મામલે ચીનથી આગળ

તેમણે કહ્યું હતું કે આ ફંડ દ્વારા અમેરિકા નાના અને મોટા વેપાર-ધંધાને સક્ષમ બનાવશે. બ્લુમબર્ગના અહેવાલ મુજબ આ યોજના હેઠળ ફંડ ઠાલવતાં મોટી કંપનીઓ, નાના વેપરીઓ અને એવા લોકોને મદદ મળશે, જેમની આવક વાઇરસને કારણે અટકાવવા માટેનાં લેવાયેલા પગલાંને કારણે અટકી ગઈ છે. અમેરિકા કોરોના વાઇરસના નવા કેન્દ્ર તરીકે ઊપસ્યું છે. કોરોનાના સંક્રમણ મામલે અમેરિકા હવે ચીનથી પણ આગળ નીકળી ગયું છે.

S&P 500 3.4 ટકા અને ડાઉ જોન્સ ચાર ટકા તૂટ્યા

અત્રે એ નોંધવું જઈએ કે શુક્રવારે શેરબજાર ઘટાડા સાથે બંધ થયાં હતાં. રોકાણકારોએ આર્થિક પેકેજ પહેલા ભારે નફારૂપી વેચવાલી કરી હતી. આ સમયગાળામાં એસ એન્ડ પી 500માં 3.4 ટકા અને ડાઉ જોન્સમાં 4.1 ટકાનો ઘટાડો નોંધાયો હતો.

કોંગ્રેસે પેકેજ મંજૂર કર્યું

ટ્રમ્પે જાહેર કરેલા આર્થિક પેકેજને મંજૂર કર્યું હતુંય. આ પહેલાં તેમણે કહ્યું હતું કે તેઓ મહેનતુ પરિવારો અને નાના વેપારીઓને નાણાકીય મદદ કરે. અર્થતંત્ર પર પડનારી આ ઘેરી અસરને જોતાં ટ્રમ્પ ફેડરલ ગાઇડલાઇન્સમાં છૂટછાટ આપવા વિચાર કરી રહ્યું છે. જોકે કેટલાય ગવર્નર્સ, પબ્લિક હેલ્થ એક્સપર્ટ અને તેમની સરકારના કેટલાક સભ્યો પણ પ્રતિબંધ લાંબા સમય સુધી રાખવાના પક્ષમાં છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]