કોરોના-રસીને બ્રિટને મંજૂરી આપીઃ આવતા અઠવાડિયાથી નાગરિકોને અપાશે

લંડનઃ બ્રિટને ફાઇઝર-બાયોએનટેકની કોવિડ-19ની રસીને મંજૂરી આપી છે. આ સાથે કોરોના વાઇરસ સામેના વૈશ્વિક જંગમાં કોરોના-રસીને મંજૂરી આપનાર તે દુનિયાનો પહેલો દેશ બન્યો છે. બ્રિટનમાં આવતા સપ્તાહથી આ કોરોના રસીનું વિતરણ શરૂ કરાશે અને નાગરિકોને તે ઉપલબ્ધ કરાશે. કોવિડ-19 રોગચાળાની સામે આ રસી 95 ટકા કારગત હોવાનો દાવો કંપનીએ કર્યો છે, એમ બ્રિટિશ રેગ્યુલેટર, મેડિસિન એન્ડ હેલ્થકેર પ્રોડક્ટસ રેગ્યુલેટરી એજન્સી (MHRA)એ કહ્યું છે. અમેરિકી ફાર્માસ્યુટિકલ જાયન્ટ ફાઇઝર અને જર્મન બાયોટેક કંપની બાયોએનટેક દ્વારા સંયુક્તપણે ઉત્પાદિત આ રસીની હાલમાં જ ટ્રાયલ કરાઈ હતી. બધી જ ઉંમરના લોકો અને નવી પેઢી માટે આ રસી અસરકારક રીતે કામ કરશે.

યુકે સરકારે MHRAને ગુણવત્તા, સુરક્ષા અને અસરકારકતાના માપદંડોને પૂરાં કરવા માટે ઉપયોગમાં લેવા માટે ડેટા જોવા માટે કહ્યું હતું. બ્રિટનને 2021ના અંત સુધીમાં કુલ ચાર કરોડ ડોઝ પ્રાપ્ત થવાની અપેક્ષા છે, જે દેશની વસતિના એક તૃતિયાંશ ભાગને રસીકરણ માટે પર્યાપ્ત છે, જેમાંથી મોટા ભાગના ડોઝ આવતા વર્ષના પહેલા અર્ધવાર્ષિક ગાળા સુધી મળવાનો અંદાજ છે.

મંજૂરી મળી જાય તો નેશનલ હેલ્થ સર્વિસ (MHS) વિશ્વભરમાં આ વેક્સિન સપ્લાય કરવા તૈયાર છે. NHS વ્યાપક વેક્સિનેશન કાર્યક્રમ કરવા માટે મોટો અનુભવ ધરાવે છે અને લોજિસ્ટિકલી નિપુણતા, ટ્રાન્સપોર્ટ અને કાર્યબળ ધરાવે છે, જેથી ઝડપથી રસીનું ઉત્પાદન હાથ ધરી શકે, એમ યુકેના આરોગ્ય સચિવ મેટ હેનકોકે ગયા મહિને કહ્યું હતું. યુકે સરકારે ભાર દઈને કહ્યું હતું કે કોવિડ-19 વેક્સિન માત્ર યુકેના સ્વતંત્ર નિયામક દ્વારા જ સપ્લાય કરવામાં આવશે, જે ગુણવત્તા, સુરક્ષા અને અસરકારકતાના માપદંડોનું પાલન કરશે. જો આ રસીથી તે સંતુષ્ટ થશે તો રસીનું મોટા પાયે ઉત્પાદન હાથ ધરવામાં આવશે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]