ઇઝરાયલમાં ડ્રોનથી બિયર, આઇસક્રીમની ડિલિવરી, વિડિયો વાઇરલ

તેલ અવિવઃ ઇઝરાયલે ડ્રોનથી ડિલિવરી કરવાનો ત્રીજો તબક્કો શરૂ કર્યો છે. ઇઝરાયલના તેલ અવિવમાં ડ્રોનથી આઇસક્રીમ અને બિયરના સપ્લાયનો વિડિયો વાઇરલ થઈ રહ્યો છે. આ ડ્રોનને તેલ અવિવ,-જાફા, રમત હૈશરોન, હર્જલિયા હદેરામાં રહેવાસી વિસ્તારોમાં ઉડાન ભરતા જોવા મળ્યો છે. આ પરીક્ષણ દરમ્યાન કાર્યક્રમમાં ભાગ લેતી પાંચ કંપનીઓ દ્વારા સંચાલિત ડ્રોન ખુલ્લાં ક્ષેત્રોની ઉપર પ્રતિદિન આશરે 300 ઉડાન ભરશે.

બે વર્ષના આ કાર્યક્રમનો ઉદ્દેશ એક રાષ્ટ્રવ્યાપી નેટવર્ક સ્થાપિત કરવા માટે ઇઝરાયલી ડ્રોન કંપનીઓની ક્ષમતાઓનો ઉપયોગ કરવાનો છે. આ સંપૂર્ણ પરીક્ષણ પછી ગ્રાહક ડ્રોન દ્વારા માલસામાન ઓર્ડર કરી શકે છે. આ ઓર્ડર પછી ગ્રાહકોના ગંતવ્ય સ્થાન પર ડ્રોન દ્વારા સામાન ઉપલબ્ધ કરાવવામાં આવશે. એમાં ભાગ લેતી કંપનીઓની પાસે એક ઇમર્જન્સી સુવિધા (રીડિંગ ફાયર સ્ટેશન) માટે પણ એક સ્વાયત્ત સુરક્ષા મિશન કરવાવાળુ ડ્રોન હશે, જેથી ચાર્જિંગ સ્ટેશન પર સ્થિત ડ્રોન સ્વાયત્ત રીતે સક્રિય થઈ શકે.

આ સિવાય સ્કાયલિન્ક્સ ફ્લાયટેક એક પાઇલટ પ્રોજેક્ટ છે, જેમાં ગ્રાહક એક સમર્પિત એપના માધ્યમથી ઓર્ડર નોંધાવી શકશે અને ચાર્લ્સ ક્લોર પાર્ક (મંતા રેની બાજુમાં) ડ્રોનના માધ્યમથી પોતાનો આઇસક્રીમ પ્રાપ્ત કરી શકશે. સિમ્પ્લેક્સ ડાઉનવિન્ડ સહિત બધી હરીફ કંપની તેલ અવિવના કેન્દ્રમાં શહેરી ક્ષેત્રોમાં ઉડાન ભરશે. ઇઝરાયલ ઇનોવેશન ઓથોરિટીની ડેનિએલા પાર્ટેમે કહ્યું હતું કે આ વર્ષના પ્રારંભમાં 700 વખત ડ્રોનની ઉડાનનું પરીક્ષણ કરવામાં આવ્યું હતું, પણ હવે એ સંખ્યા વધીને 9000 થઈ ગઈ છે.

 

 

 

 

 

 

 

 

 

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]