ટ્રમ્પને બેવડો મારઃ મેલાનિયા સાથે ડિવોર્સની શક્યતા

લંડનઃ અમેરિકી રાષ્ટ્રપ્રમુખની ચૂંટણીમાં રાજકીય મોરચે ડેમોક્રેટિક ઉમેદવાર જો બાઇડનથી હારનો સામનો કરી રહેલા રાષ્ટ્રપ્રમુખ ડોનાલ્ડ ટ્રમ્પ ઘરમાં પણ મુશ્કેલીઓનો સામનો કરે એવી શક્યતા છે. આવનારા દિવસોમાં ટ્રમ્પ અને તેમનાં પત્ની મેલાનિયા ટ્રમ્પની વચ્ચે છૂટાછેડા થાય એવી શક્યતા છે. વ્હાઇટ હાઉસ છોડવાની સાથે મેલાનિયાની યોજના ટ્રમ્પનો સાથ છોડવાની છે.

ડેલી મેઇલના ભૂતપૂર્વ સહયોગીએ દાવો કર્યો

ડેલી મેઇલે મેલાનિયાના એક ભૂતપૂર્વ સહયોગીના હવાલેથી આ દાવો કર્યો છે. અહેવાલમાં કહેવામાં આવ્યું છે કે મેલાનિયા ટ્રમ્પ પોતાની હાર સ્વીકાર કરવાની અને વ્હાઇટ હાઉસ છોડવાની રાહ જોઈ રહી છે. બાઇડનથી હાર્યા પછી ટ્રમ્પે સત્તાવાર રીતે પોતાની હારનો સ્વીકાર નથી કર્યો. બલકે ડેમોક્રેટ ઉમેદવાર ચૂંટણીમાં ગેરરીતિ આચર્યાનો આક્ષેપ કરવામાં આવ્યો છે. ટ્રમ્પના ભૂતપૂર્વ સહયોગી ઓમારોસા મેનીગોલ્ટ ન્યુમેને કહ્યું હતું કે મેલાનિયા માત્ર ટ્રમ્પના વ્હાઇટ હાઉસથી નીકળવાની ઘડીની રાહ જોઈ રહી છે. ટ્રમ્પના બહાર જવાની સાથે બંને વચ્ચે ડિવોર્સ થવાની શક્યતા છે.

બંને વચ્ચે તાલમેલ નથી

ભૂતપૂર્વ સહયોગીનું કહેવું છે કે ટ્રમ્પ અને મેલાનિયાની વચ્ચે લગ્ન ટ્રાન્ઝેક્શનલ છે અને બંનેની વચ્ચે બધું સમુસૂતરું નથી. ટ્રમ્પ અને મેલાનિયાની વચ્ચે જો ડિવોર્સ થશે તો બંનેના 15 વર્ષ જૂના લગ્નનો સંબંધ પૂરો થઈ જશે. ન્યુમેને વધુમાં કહ્યું હતું વ્હાઇટ હાઉસમાં ટ્રમ્પના રહેતાં મેલાનિયા જો તેમને છોડીને ચાલી જાય છે તો એવામાં ટ્રમ્પ તેમની સામે દંડાત્મક કાર્યવાહી કરે એવી સંભાવના છે.

લગ્ન તૂટ્યા પછી એગ્રીમેન્ટ પર કામ કરી રહી છે મેલાનિયા

ભૂતપૂર્વ સ્લોવની-અમેરિકી મોડલ લગ્ન તૂટ્યા પછી એગ્રીમેન્ટ પર કામ કરી રહી છે, એમ ટ્રમ્પના ભૂતપૂર્વ સહયોગી સ્ટેફની વોલકોફના હવાલેથી અહેવાલમાં કહેવામાં આવ્યું હતું. એ ઇચ્છે છે કે તેમણે ટ્રમ્પના પુત્ર બેરનને મિલકતમાં સમાન હિસ્સો મળે. રાષ્ટ્રપ્રમુખ બન્યા પછી ડોનાલ્ડ ટ્રમ્પ વ્હાઇટ હાઉસ આવી ગયા હતા, પણ મેલાનિયા આશરો પાંચ મહિના પછી ન્યુ યોર્કથી વોશિંગ્ટન પહોંચી હતી. અહેવાલો મુજબ મેલાનિયા પોતાના પુત્રનું શિક્ષણ પૂરું કરવા માટે ન્યુ યોર્ક રોકાયાં હતાં.

વર્ષ 2005માં મેલાનિયા અને ટ્રમ્પનાં લગ્ન થયાં હતાં

મેલાનિયા અને ટ્રમ્પના લગ્ન 2005માં થયાં હતાં. લગ્નના એક વર્ષ પછી 2006માં બેરનનો જન્મ થયો હતો. મેલાનિયા માર્ચ, 2001થી અમેરિકી નાગરિક છે. મેલાનિયાના હવાઇટ પહોચ્યા પછી બંનેના સંબંધો સામાન્ય નહોતા રહ્યા. ટ્રમ્પ અને મેલાનિયાની વચ્ચે મનભેદ પહેલાં પણ આવી ચૂક્યા છે. મેલાનિયા હંમેશાં ટ્રમ્પની સાથે ઊભેલા નજરે ચઢ્યાં છે. 2016ની રાષ્ટ્રપ્રમુખની ચૂંટણીમાં તેમણે જોરશોરથી પ્રચાર કર્યો હતો અને સભાઓમાં ટ્રમ્પની સાથે હતાં, પણ 2020માં રાષ્ટ્રપ્રમુખની ચૂંટણીમાં તેઓ ટ્રમ્પની સામે ઓછા દેખાયાં હતાં. વળી, ચૂંટણીના અંતિમ તબક્કામાં મેલાનિયા એક રીતે ગાયબ જ હતાં.