નવી દિલ્હીઃ કોરોના વાઇરસના પ્રકોપથી આગામી બે વર્ષમાં વૈશ્વિક અર્થતંત્રોને પાચં લાખ કરોડ ડોલરથી વધુનું નુકસાન થવાની શક્યતા છે. આ જાપાનના વાર્ષિક ઉત્પાદનથી વધુ છે. વિશ્વના કેટલાય દેશોમાં કોરોના વાઇરસના પ્રસર્યા બાદ મોટા ભાગના દેશોએ લોકડાઉનની જાહેરાત કરી હતી, જેથી લોકોના ઘરેથી નીકળવું બંધ થઈ ગયું છે. દુકાનો બંધ થઈ ગઈ છે, વેપાર-ધંધા ઠપ થયા છે. વોલ સ્ટ્રીટ બેન્કે એ ચેતવણી આપી છે કે 1930ના દાયકા પછીનો આ સૌથી ખરાબ સમય છે. જોકે મંદીની આ ચેતવણી ઓચા સમય માટે છે, પણ અર્થતંત્રોને ફરી પાટે ચઢાવવા માટે ઘણો સમય લાગશે.
લોકડાઉન જલદી ખોલાય તો વાઇરસ ફરી ઊથલો મારે એવી સંભાવના
એક દાયકા પહેલાં વૈશ્વિક નાણાકીય કટોકટી સંકટ પછીના સમય જેવો છે. જોકે અર્થશાસ્ત્રીઓની ભવિષ્યવાણીની તુલનામાં અર્થતંત્રો વધુ નીચે જવાની સંભાવના છે અને એને ફરી બેઠું થવામાં વધુ સમય લાગી શકે છે. અહેવાલ મુજબ નીતિ ઘડવૈયાઓએ (જેતે દેશોની સરકારોએ) હાલમાં અર્થતંત્રોની વ્યાપક પ્રોત્સાહન આપવાની જરૂર છે, પણ લોકડાઉન જલદી ખોલવાથી બચવું જોઈએ. જો લોકડાઉન જલદી ખોલવામાં આવે તો આ વાઇરસ ફરી ઊથલો મારે એવી શક્યતા છે.
જેપી મોર્ગન ચેઝ એન્ડ કંપનીના અર્થશાસ્ત્રીઓએ આગામી વર્ષે ઉત્પાદનમાં 5.5 લાખ કરોડ ડોલરના નુસાનની આશંકા વ્યક્ત કરી છે, જે જીડીપીના આશરે આઠ ટકા થવા જાય છે.
આ ઉપરાંત યુનાઇટેડ નેશન્સે કહ્યું હતું કે વર્ષ 2020માં કોરોના વાઇરસને લીધે વૈશ્વિક અર્થતંત્રો ગ્રોથ એક ટકો ઘટા શકે છે.
