બાંગ્લાદેશે ભારતને છેલ્લી T20 મેચમાં હરાવ્યું, હરમનપ્રીત કૌરની ટીમે 2-1થી શ્રેણી જીતી

બાંગ્લાદેશ મહિલા ક્રિકેટ ટીમે ત્રીજી T20 મેચમાં ભારતીય મહિલા ટીમને હરાવ્યું છે. આ મેચમાં ભારતીય ટીમને 4 વિકેટથી હારનો સામનો કરવો પડ્યો હતો. જો કે તેમ છતાં હરમનપ્રીત કૌરની આગેવાનીમાં ટીમ ઈન્ડિયાએ શ્રેણી 2-1થી જીતી લીધી હતી. વાસ્તવમાં, ટીમ ઈન્ડિયાએ 3 T20 શ્રેણીની પ્રથમ અને બીજી મેચમાં યજમાન બાંગ્લાદેશની ટીમને હરાવ્યું હતું. બાંગ્લાદેશને જીતવા માટે 103 રનનો ટાર્ગેટ હતો. આ ટીમે 18.1 ઓવરમાં 6 વિકેટે 103 રન બનાવીને મેચ જીતી લીધી હતી.

 

શમીમા સુલ્તાનાએ શાનદાર ઇનિંગ રમી હતી

બાંગ્લાદેશ તરફથી શમીમા સુલતાને સૌથી વધુ રન બનાવ્યા હતા. શમીમા સુલ્તાનાએ 46 બોલમાં 42 રનનું યોગદાન આપ્યું હતું. તેણે પોતાની ઇનિંગમાં 3 ચોગ્ગા ફટકાર્યા હતા. જો કે આ સિવાય બાંગ્લાદેશના બાકીના બેટ્સમેનોએ નિરાશ કર્યા હતા. પરંતુ લક્ષ્ય મોટું ન હોવાથી યજમાન ટીમને શ્રેણીની પ્રથમ જીત મળી હતી. ભારતીય બોલરોની વાત કરીએ તો મીનુ મણિ અને દેવિકા વૈદને 2-2 સફળતા મળી હતી. જ્યારે જેમિમા રોડ્રિગ્સે 1 વિકેટ પોતાના નામે કરી હતી.

હરમનપ્રીત કૌરે ટોસ જીતીને બેટિંગ કરવાનો નિર્ણય લીધો હતો

આ પહેલા ભારતીય ટીમની કેપ્ટન હરમનપ્રીત કૌરે ટોસ જીતીને બેટિંગ કરવાનો નિર્ણય કર્યો હતો. પ્રથમ બેટિંગ કરતા ભારતીય ટીમ 20 ઓવરમાં 9 વિકેટે 102 રન જ બનાવી શકી હતી. ભારત માટે કેપ્ટન હરમનપ્રીત કૌરે 41 બોલમાં સૌથી વધુ 40 રનની ઇનિંગ રમી હતી. તેણે પોતાની ઇનિંગમાં 3 ફોર અને 1 સિક્સર ફટકારી હતી. જ્યારે જેમિમા રોડ્રિગ્સે 26 બોલમાં 28 રન બનાવ્યા હતા. તેણે પોતાની ઇનિંગમાં 4 ચોગ્ગા ફટકાર્યા હતા. ટીમ ઈન્ડિયાના 7 બેટ્સમેન ડબલ ફિગરને પાર કરી શક્યા ન હતા. બાંગ્લાદેશ તરફથી રાબિયા સુલ્તાને સૌથી વધુ 3 વિકેટ લીધી હતી. જ્યારે સુલતાના ખાતૂને 2 વિકેટ પોતાના નામે કરી હતી. આ સિવાય નાહિદા અખ્તર, ફાહિમા ખાતૂન અને શોર્ના અખ્તરને 1-1થી સફળતા મળી હતી.

RELATED ARTICLESMORE FROM AUTHOR