ભારત અને ઓસ્ટ્રેલિયા વચ્ચેની ત્રીજી ટેસ્ટ મેચના પ્રથમ દિવસે, વરસાદને કારણે રમતમાં વિક્ષેપ પડ્યો અને માત્ર 13.2 ઓવરની જ રમાઈ શકાઈ. મેચનો બીજો દિવસ રવિવારે થયો હતો. ભારતીય કેપ્ટન રોહિત શર્માએ ટોસ જીતીને પ્રથમ બોલિંગ કરવાનો નિર્ણય કર્યો હતો. ઓસ્ટ્રેલિયાએ પ્રથમ બેટિંગ કરતા પ્રથમ દાવમાં સાત વિકેટ ગુમાવીને 405 રન બનાવ્યા હતા.
Australia on top at the end of Day 2.#WTC25 | #AUSvIND 📝: https://t.co/Nh59FEIf0u pic.twitter.com/RGDzi6Jt2c
— ICC (@ICC) December 15, 2024
બીજા દિવસની રમત પૂરી થઈ ગઈ છે. ઓસ્ટ્રેલિયાએ પ્રથમ દાવમાં સાત વિકેટ ગુમાવીને 405 રન બનાવ્યા છે. મિચેલ સ્ટાર્ક સાત રન અને એલેક્સ કેરી 45 રન બનાવીને અણનમ છે. ટ્રેવિસ હેડે 152 રન અને સ્ટીવ સ્મિથે 101 રન બનાવ્યા હતા. જ્યારે ભારત તરફથી જસપ્રીત બુમરાહે પાંચ વિકેટ ઝડપી હતી.
𝖀𝖓𝖘𝖙𝖔𝖕𝖕𝖆𝖇𝖑𝖊 💯
Take a bow, Travis Head!#WTC25 | #AUSvIND 📝: https://t.co/2NElbX9Qdj pic.twitter.com/J5zdg101RL
— ICC (@ICC) December 15, 2024
રવિવારે ઓસ્ટ્રેલિયાએ કોઈપણ વિકેટ વિના 28 રનથી શરૂઆત કરી હતી અને બીજા દિવસે 377 રન બનાવ્યા હતા અને સાત વિકેટ ગુમાવી દીધી હતી. બુમરાહે પ્રથમ સેશનમાં ઉસ્માન ખ્વાજા (21) અને નાથન મેકસ્વીની (9)ને આઉટ કરીને બે ઝટકા આપ્યા હતા. આ પછી, પહેલા સેશનમાં જ નીતિશ રેડ્ડીએ માર્નસ લાબુશેન (12)ને પેવેલિયન મોકલ્યો હતો. જો કે આ પછી સ્ટીવ સ્મિથ અને ટ્રેવિસ હેડે બીજા સેશનમાં એકપણ વિકેટ પડવા દીધી ન હતી. બંનેએ ચોથી વિકેટ માટે 242 રનની ભાગીદારી કરી હતી.
હેડે તેની ટેસ્ટ કારકિર્દીની નવમી સદી ફટકારી અને સ્મિથે તેની 33મી સદી ફટકારી. સ્મિથ 190 બોલમાં 12 ચોગ્ગાની મદદથી 101 રન બનાવીને આઉટ થયો હતો અને હેડ 160 બોલમાં 18 ચોગ્ગાની મદદથી 152 રન બનાવીને આઉટ થયો હતો. મિશેલ માર્શ પાંચ રન અને કેપ્ટન પેટ કમિન્સ 20 રન બનાવીને આઉટ થયા હતા. કમિન્સે કેરી સાથે સાતમી વિકેટ માટે 58 રનની ભાગીદારી કરી હતી. બુમરાહ ઉપરાંત સિરાજ અને નીતિશને એક-એક વિકેટ મળી હતી.
