IND vs SL 3rd ODI: ટીમ ઈન્ડિયા 4 ફેરફારો સાથે ઉતરશે!

ભારત અને ઓસ્ટ્રેલિયા વચ્ચે ત્રણ વનડે શ્રેણીની છેલ્લી મેચ 15 જાન્યુઆરીએ રમાશે. બંને ટીમો વચ્ચેની આ મેચ તિરુવનંતપુરમના ગ્રીનફિલ્ડ ઈન્ટરનેશનલ સ્ટેડિયમમાં રમાશે. રોહિત શર્માની ટીમ ઈન્ડિયા આ મેચમાં શ્રીલંકાની ધોલાઈ કરવાના ઈરાદા સાથે ઉતરશે. બીજી તરફ, મુલાકાતી ટીમ ફાઈનલ મેચ જીતીને શ્રેણીનો સુખદ અંત કરવા ઈચ્છશે. ભારતે 10 જાન્યુઆરીએ ગુવાહાટી અને 12 જાન્યુઆરીએ કોલકાતામાં રમાયેલી બંને મેચ જીતીને શ્રેણીમાં 2-0ની અજેય સરસાઈ મેળવી લીધી છે. આ દરમિયાન ત્રીજી વનડે માટે ટીમ ઈન્ડિયામાં ઓછામાં ઓછા ચાર ફેરફાર જોવા મળી શકે છે. ચાલો તમને ત્રીજી મેચ માટે ભારતની સંભવિત પ્લેઈંગ ઈલેવન વિશે જણાવીએ.

તેમને સૂર્યકુમારની સાથે તક મળી શકે છે

શ્રીલંકા સામેની ત્રીજી મેચ માટે ટીમ ઈન્ડિયાની પ્લેઈંગ ઈલેવનમાં એક ફેરફાર કરવામાં આવ્યો છે. મુલાકાતી ટીમ સામે ટી20 શ્રેણીમાં શાનદાર પ્રદર્શન કરનાર સૂર્યકુમાર યાદવને પ્લેઈંગ ઈલેવનમાં સામેલ કરવામાં આવી શકે છે. સૂર્યાએ શ્રીલંકા સામેની ટી-20 શ્રેણીમાં એક સદી અને એક અડધી સદી ફટકારી હતી. તેના સિવાય ઈશાન કિશનને પણ ત્રીજી વનડેમાં તક મળી શકે છે. બાંગ્લાદેશ સામે બેવડી સદી ફટકારીને તે ટીમમાં વાપસીની રાહ જોઈ રહ્યો છે. આ બે સિવાય ડાબોડી બોલર અર્શદીપ અને ઓલરાઉન્ડર વોશિંગ્ટન સુંદરને પણ ત્રીજી વનડેની પ્લેઈંગ ઈલેવનમાં સામેલ કરવામાં આવી શકે છે.

ભારત ઈતિહાસ રચવાની નજીક છે

ત્રીજી વનડેમાં ભારત પાસે ઓસ્ટ્રેલિયાનો રેકોર્ડ તોડવાની તક હશે. ભારત અને ઓસ્ટ્રેલિયાએ કોઈપણ એક દેશ સામે વનડેમાં સંયુક્ત રીતે 95-95 મેચ જીતી છે. જો ટીમ ઈન્ડિયા ત્રીજી વનડેમાં શ્રીલંકાને હરાવશે તો તે આ મામલે ઓસ્ટ્રેલિયાને પાછળ છોડી દેશે. ત્યારે ભારત ODI ઈતિહાસમાં કોઈપણ એક દેશ સામે સૌથી વધુ જીત મેળવનાર દેશ બની જશે. ઓસ્ટ્રેલિયાએ ન્યૂઝીલેન્ડ સામે 141માંથી 95 વનડે જીતી છે. આ સાથે જ ભારતે શ્રીલંકા સામે 164 વનડેમાંથી 95માં જીત મેળવી છે.

ત્રીજી ODI માટે ભારતની સંભવિત પ્લેઈંગ ઈલેવન: રોહિત શર્મા, ઈશાન કિશન, વિરાટ કોહલી, શ્રેયસ અય્યર, સૂર્યકુમાર યાદવ, હાર્દિક પંડ્યા, વોશિંગ્ટન સુંદર, યુઝવેન્દ્ર ચહલ, મોહમ્મદ સિરાજ, અર્શદીપ સિંહ અને ઉમરાન મલિક.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]