આજે ICC ચેમ્પિયન્સ ટ્રોફી 2025માં ભારતીય ટીમનો મહામુકાબલો પાકિસ્તાન સામે થયો હતો જેમાં ભારતે પાકિસ્તાનને હરાવીને ચેમ્પિયન્સ ટ્રોફીમાંથી બહાર કરી દીધું છે. આ મેચમાં ભારતે પાકિસ્તાનને 6 વિકેટે હરાવ્યું હતું. ભારતની જીતનો હીરો વિરાટ કોહલી હતો, જેણે અણનમ સદી ફટકારી હતી. કોહલીએ ખુશદિલ શાહની બોલિંગમાં ફોર ફટકારીને પોતાની સદી પૂર્ણ કરી અને ભારતને જીત તરફ દોરી ગયું. કોહલીએ 111 બોલમાં 7 ચોગ્ગા સહિત અણનમ 100 રન બનાવ્યા. મેચમાં પ્રથમ બેટિંગ કરતા પાકિસ્તાને 49.4 ઓવરમાં 241 રન બનાવ્યા હતા અને ભારતને જીત માટે 242 રનનો ટાર્ગેટ આપ્યો હતો.
Virat Kohli at his absolute best as India make it two wins from two in the #ChampionsTrophy 🔥#PAKvIND ✍️: https://t.co/O9lMfFTkQy pic.twitter.com/naqYOw8hVw
— ICC (@ICC) February 23, 2025
આ ટાર્ગેટનો પીછો કરતા ભારતીય ટીમની શરૂઆત સારી રહી. ભારતને પહેલો ઝટકો પાંચમી ઓવરમાં જ લાગ્યો જ્યારે કેપ્ટન રોહિત શર્મા શાહીન આફ્રિદીના શાનદાર બોલથી બોલ્ડ થઈ ગયો. રોહિતે 15 બોલમાં 20 રન બનાવ્યા, જેમાં 3 ચોગ્ગા અને 1 છગ્ગાનો સમાવેશ થાય છે. રોહિત આઉટ થયો ત્યારે ભારતનો સ્કોર 31 રન હતો. અહીંથી શુભમન ગિલ અને વિરાટ કોહલીએ સાથે મળીને ઇનિંગ્સની કમાન સંભાળી. કોહલી અને શુભમન વચ્ચે બીજી વિકેટ માટે 69 રનની ભાગીદારી થઈ. લેગ-સ્પિનર અબરાર અહેમદે શુભમન ગિલને આઉટ કરીને આ ભાગીદારીનો અંત લાવ્યો. ગિલે ૫૨ બોલમાં 46 રન બનાવ્યા, જેમાં 7 ચોગ્ગાનો સમાવેશ થાય છે.
A rollicking 💯 in an age-old rivalry from Virat Kohli 🫡#ChampionsTrophy #PAKvIND ✍️: https://t.co/O9lMfFTkQy pic.twitter.com/58uoVGIXBD
— ICC (@ICC) February 23, 2025
ગિલ આઉટ થયા પછી શ્રેયસ ઐયરે વિરાટ કોહલી સાથે જવાબદારી સંભાળી. બંને વચ્ચે ત્રીજી વિકેટ માટે 114 રનની શાનદાર સદીની ભાગીદારી થઈ. આ દરમિયાન કોહલીએ 62 બોલમાં ચાર ચોગ્ગાની મદદથી પોતાની અડધી સદી પૂરી કરી. શ્રેયસ ઐયરે પણ 63 બોલમાં પોતાની અડધી સદી પૂરી કરી. શ્રેયસ 56 રન બનાવીને આઉટ થયો હતો. શ્રેયસે તેની 67 બોલની ઇનિંગમાં 5 ચોગ્ગા અને 1 છગ્ગો ફટકાર્યો. શ્રેયસને ખુશીદલ શાહના બોલ પર ઇમામ ઉલ હકે કેચ આઉટ કરાવ્યો. ત્યારબાદ હાર્દિક પંડ્યા (8) સસ્તામાં આઉટ થયો.
સઈદ શકીલની અડધી સદી, કુલદીપનો જાદુ ચાલ્યો
મેચમાં પ્રથમ બેટિંગ કરતા પાકિસ્તાને 49.4 ઓવરમાં 241 રન બનાવ્યા. પાકિસ્તાની ટીમની શરૂઆત સારી રહી. બાબર આઝમ અને ઇમામ ઉલ હકે મળીને પ્રથમ વિકેટ માટે 41 રનની ભાગીદારી કરી. મોહમ્મદ શમીએ પણ લક્ષ્યહીન બોલિંગ કરીને ભારતનું કામ મુશ્કેલ બનાવ્યું. શમીએ મેચની પહેલી જ ઓવરમાં પાંચ વાઈડ બોલ ફેંક્યા. ભારતીય ટીમને પહેલી સફળતા હાર્દિક પંડ્યા તરફથી મળી, જેમણે 9મી ઓવરના બીજા બોલ પર બાબર આઝમને વિકેટકીપર કેએલ રાહુલના હાથે કેચ આઉટ કરાવ્યો. બાબરે 26 બોલમાં 23 રન બનાવ્યા, જેમાં પાંચ ચોગ્ગાનો સમાવેશ થાય છે. ત્યારબાદ અન્ય ઓપનર ઇમામ ઉલ હક (10) અક્ષર પટેલના રોકેટ થ્રોથી રન આઉટ થયો.
બે વિકેટ પડ્યા બાદ, કેપ્ટન મોહમ્મદ રિઝવાન અને સઈદ શકીલે પાકિસ્તાની ઇનિંગ્સની કમાન સંભાળી. બંનેએ ત્રીજી વિકેટ માટે 104 રનની ભાગીદારી કરી. આ દરમિયાન શકીલે 63 બોલમાં ચાર ચોગ્ગાની મદદથી પોતાની ફિફ્ટી પૂરી કરી. આ સદીની ભાગીદારી અક્ષર પટેલે તોડી હતી, જેણે રિઝવાનને શાનદાર બોલથી બોલ્ડ કર્યો હતો. રિઝવાને 77 બોલમાં ત્રણ ચોગ્ગાની મદદથી 46 રન બનાવ્યા. આ પછી હાર્દિક પંડ્યાએ સઈદ શકીલને આઉટ કરીને ભારતીય ટીમને મોટી સફળતા અપાવી. શકીલે 76 બોલમાં 62 રન બનાવ્યા, જેમાં પાંચ ચોગ્ગાનો સમાવેશ થાય છે.
ત્યારબાદ તૈયબ તાહિર (4) ને રવિન્દ્ર જાડેજાએ આઉટ કર્યો. પાકિસ્તાને ૧૫ રનમાં ત્રણ વિકેટ ગુમાવી દીધી, જેના કારણે ભારતને વાપસી કરવાનો મોકો મળ્યો. ત્યારબાદ ચાઇનામેન કુલદીપ યાદવે પાકિસ્તાનના ઉપ-કપ્તાન સલમાન અલી આઘા (૧૯) અને શાહીન આફ્રિદી (૦) ને સતત બોલમાં આઉટ કરીને સ્કોર સાત વિકેટે 200 રન કર્યો. નસીમ શાહ કંઈ ખાસ કરી શક્યો નહીં અને 14 રન બનાવીને કુલદીપ યાદવનો શિકાર બન્યો. 8 રન બનાવીને હરિસ રૌફ પણ રન આઉટ થયો, જેના કારણે પાકિસ્તાનનો સ્કોર 9 વિકેટે 241 રન થયો.
વિકેટોના પતન વચ્ચે, ખુશદિલ શાહે 38 રનની ઇનિંગ રમીને પાકિસ્તાનને સન્માનજનક સ્કોર સુધી પહોંચાડવાનો પ્રયાસ કર્યો. ખુશદિલે 39 બોલમાં બે છગ્ગાની મદદથી 38 રન બનાવ્યા. 50મી ઓવરમાં ખુશદિલ હર્ષિત રાણાનો શિકાર બન્યો. ભારત તરફથી કુલદીપ યાદવે સૌથી વધુ ત્રણ વિકેટ લીધી. જ્યારે હાર્દિક પંડ્યાએ બે વિકેટ લીધી. અક્ષર પટેલ, હર્ષિત રાણા અને રવિન્દ્ર જાડેજાને પણ એક-એક વિકેટ મળી.
